Praeambulum

TRACTATUS XIII. DE NOMINIBUS QUA TEMPORALITER DEO CONVENIUNT.

Consequenter querendum est de his que temporaliter Deo conveniunt, que licet significent divinam essentiam, tamen connotant effectum in creatura : qui effectus dependentiam et respectum habet ad Deum, qui intelligi non potest sine correspectu in Deo : et ideo ex tempore Deo conveniunt, ul Deus, dominus, creator, causa, et hujusmodi. Queruntur igitur quingue, quorum primum est de hoc nomine, Deus. Secundum, De hoc nomine, Dominus. Tertium, De hoc nomine, Creator. Quartum, De hoc nomine, Causa. Et quintum, De tribus causis que sigillatim Deo conveniunt.