Articulus 14

ARTICULUS XIV. An aliquis potest dimittere uxorem quantulacumque causa, dempta sola fornicatione ?

Deinde quaeritur de hoc quod dicit, ibi, F, "Lud etiam sciendum est, quod pro aliqua infirmitate, etc."

Videtur enim injustum : quia 1. Concitat odium, et frequenter indueit adulterium: ergo ab Ecclesia caveri debet: ergo videtur, quod possit in tali casu dimitti.

2. Item, Multa sunt gravamina matrimonii, etsi conjunx sit delectabilis : ergo non oportet ut etiam gravetur ex conjuge : ergo videtur, quod in tali casu dimitti debet.

3. Item, Quedam infirmitates derivantur ad pueros, sicut lepra, et hujusmodi, et tunc bonum matrimonii destruitur: ergo videtur, quod tunc matrimonium sit separandum.

Responsio. Dicendum generaliter, quod nihil superveniens matrimonio, separat ipsum, sicut dicitur in Littera.

Ad opsecra autem dicendum, quod fides thori et charitas Christi debent retrahere ab odio, et gravamina facere sustinere libenter propter Christum.

Ad ulTimum autem dicendum, quod proles ex talibus non destruitur, nisi in corpore, et ostensum est supra, quod secundum corpus non est bonum matrimonii, sed potius secundum animam.