Pomponius
libro 13 ad Sabinum Si
inter plures familiae erciscundae agetur et inter eosdem communi dividundo
aut finium regundorum, eundem iudicem sumendum: praeterea, quo facilius
coire coheredes vel socii possunt, in eundem locum omnium praesentiam
fieri oportet.
2
Papinianus
libro secundo quaestionum Cum
ex pluribus tutoribus unus, quod ceteri non sint idonei, convenitur,
postulante eo omnes ad eundem iudicem mittuntur: et hoc rescriptis
principum continetur.
