Ulpianus
libro 72 ad edictum Praetor ait: "Utrubi hic homo, quo de agitur, maiore parte
huiusce anni fuit, quo minus is eum ducat, vim fieri veto".
Hoc interdictum de possessione rerum mobilium locum habet: sed optinuit
vim eius exaequatam fuisse uti possidetis interdicto, quod de rebus
soli competit, ut is et in hoc interdicto vincat, qui nec vi nec
clam nec precario, dum super hoc ab adversario inquietatur, possessionem
habet.
