Utrum secundum proportionem debeat esse proportio gratiae?
1
In alia lectione difficultas tractanda est utrum secundum proportionem statuum debet esse gradus gratiae
2
Advertendum quod in tota latitudine perfectionis gratiarum primus et infimus gradus est gratia baptismalis ad quam quilibet obligatur et ad tantam vel maiorem et illa sufficit ad salutem utque de pueris noviter baptisatis decedentibus deinde ponerentur gradus secundum dispositiones haberi naturales etiam gravitas verbi gratia quae cap?tionem esset ingenio magis obligaretur unde daretur creatura rationalis quae tam remisse haberet usum rationis ratione indispositionis ingenii quod confusissima congertio et dilectio dei sufficierent et forte in quibusdam simplicibus personis habet locum et sic latitudo esset praeceptorum quia staret quod sortes obligaretur ad maiorem gratiam quam plato et sic esset ymaginanda tota latitudo perfectionis cadentis sub praecept et sic non omnes obligantur aequaliter nec omnes obligantur ad dilectionem inimicorum
3
Advertenda est distinctio quia praeceptum videtur esse generale de quolibet proximo
4
et nomine proximi intelligitur quilibet vitor sub quo comprehenditur inimicus quod nomine proximi potest esse dilectio generalis quia generali dilectione et volitione apertatur cuilibet vita aeterna et sic tenentur quemlibet diligere Sed si occurat in inimicus ut sortes non teneor in particulari ipsum diligere sicut alium sed sufficit ad implendum praeceptum quod non odiam vel quod non habeam aliquem alium actum repugnantem dilectioni proximi generali Et sic partim concedendum quod diligendus est inimicus ex praecepto scilicet quod debemus cuilibet optare suum finem quia in hoc est similitudo omnium creaturarum scilicet in finem ultimum et sub illa generali dilectione impletur praeceptum vel dilectio cadens sub praecepto Sed scilicet quis diligat inimicum speciali dilectione et opus super erogationis et est supra praeceptum et est consilii Ad illud tamen opus tenentur pastores ecclesiae unde pastoribus ecclesiae generaliter debet esse conceptus sui proportionaliter proximum et deum iohannes 10"ego sum pastor bonus et pastor bonus est qui ponit animam suam pro te ovibus suis" Ideo episcopus pro grege tenetur exponere animam suam et vitam corporalem Et si vitam etiam debet abicere corporales voluptates et divitias subveniendo pauperibus consi?to quod pauper?um sunt
5
Etiam isto patet de gravitate peccati summi pastoris ubi videret oves perire tueretur ex officio patet quod quantum gradum caritatis obligatur ultra alios Et multi gradus sunt praecepti in superioribus praelatis Quantum ad hoc summus pontifex teneretur habere supremum gradum caritatis et maxime animam pro ovibus ponere et tamquam servus ecclesiae ex?mam omnem diligentiam pro conservatione omnium adhibere
6
Consequenter episcopi unde "mitto vos sicut oves inter lupos" id est inter inimicus plasphematores vestros quos debetis ad viam veritatis reducere
