Lectio 103, de Libertate

prima reducit effectus hic inferius evenientes ad caeli dispositionem et ipsius armoniam corporoumque celestium influentiam tamquam ad causam totalem ad haec sufficientem unde consequenter tenet quod in certa hora ymago metallina fabricata et composita retinet a syderibus et planetis impressione sive influentiam naturalem nocentem vel iuvantem scilicet praedicendi futura et revelandi occulta sicut dicit de capite saturni quod quidem si debite observata hora fabricetur ymago metallina habebit dividendi occulta

Sed contra hoc arguitur sic et prima facie non est dubium haec esse contra fidei veritatem Tamen rationibus arguitur sit primo sibi ratione averrois contra avicennam de generatione animalium post diliuvium Tenet enim avicena quod post diluvium animalia imperfecta quae sine aquis non possunt vivere possunt de novo produci sicut de mure vel etiam quae non sine aquis sicut esset anguilla vel alio modo simile animal sive ???? Et similiter videtur plato satis hoc velle nam dicit quod deus creavit senientem id est virtutem seminalem primum quodque individuum producentem et vocat sementem deorum quam tradidit stellis ad incorporandum et exequendum unumquodque individuum secundum suam speciem Unde et ipse avicena et plato videntur hoc reducere ad corpora celestia Sed averroys contrarium arguit et haec sit primo in perfectis In quibus est tanta organizatio et tanta diversitas quod non videtur ea posse generari sine seminis infusione et in matrice conservatione ipsum semen continente igitur non stat hominem vel aliud animal perfectum sine semine / et ex constellatione caeli generari / et per consequens a fortiori non stat in aliquo metallo esse vis prophetandi et secreta revelandi patet quoniam hic est maior effectus quam animalis productio loquendo sicut dictum est

2o si sic tunc seape animal perfectum sine semine a solis planetis generaretur patet quia contin?tus similes constellationes saepe reiterari igitur animalia perfecta sic generarentur quod videtur absurdum Simile ratione de virtute prophetica diceretur et arguitur sic nam si talis virtus imprimeretur in huiusmodi metalla ita et in lapidem igitur etc consequens tamen est falsum igitur et antecedens et consequentia patet quia non est maior ratio de uno quam de alio

3o corpora caelestia non producere potest intellectum igitur nec imprimere in metalla vim prophetandi quod est de excedentibus operationibus

4o metallum non est organizatum nec flexibile igitur non habet virtutem talem

5o huiusmodi ymago metallina non vivit ergo nec loquitur consequentia tenet antecedens probatur quoniam si viveret vel hoc esset vita brutali vel plantae vel hominis sed nullum istorum potest dici igitur

6o in tali forma metallina aliquid non corrumpitiru igitur nec alia forma vitalis introducitur et per consequens ymago non vivit et ultra non vivit ergo futura non di?nat nec praedi?t Et certe ad hoc alia cognito et perfecta requiritur In istis tamen satis concordat apostolus dicens "ydolum nihil est"

Et david "simulachra gentium argentum et aurum opera manuum hominum Os habent et non loquentur oculus habent et non videbunt Aures habent" etc Ex quibus patet quod ergo nihil sciunt quia nihil cognoscunt et sic non divinat praenosticant

Ex quo sequitur quod oppinio alkindi est superstitiosa nepharia detestabilis et dyabolica et sacrae scripturae dissona ymmo purae et verae philosophiae obnipia obvia / Et illam oppinionem detestabilem introducitur ad melius videndum eius radicem et fundamentum quae licet videatur principiis astrologicis colo?ta nihilominus est valde inpertiens et falsa

dicit enim ipse iacob alkindi aliqua iuxta hoc maxime in libro de radiis stellicis

primum eius dictum est quod quaelibet stella radiat spherice suam radiationem vel influentiam orbiculariter undique diffundendo cuius partes se habent supra passum receptivum per totum et variatur secundum approximationem angulorum Et ista satis potest transire

2m dictum suum / quaelibet stella habet radiationem alterius speciei ab alia

et commiscentur simul sic quod ex eis resultat caelestis armonia quae continue variatur propter continuos motus / et hoc est satis transibile Et talem armoniam vocaverunt antiqui contentum caeli

3m dictum aliqua varietas est vulgo nota q et aliqua sapientibus quo aliud effectum et aliqua reperta et alia non unde ymaginatur quod sunt variationes vulgo sicut motus solis et corporum vegetatio et hoc secundum combinationem corporum celestium / Et alia est combinatio nota sapientibus qui particularius nonat effectus planetarum ignoratos vulgo

Sed alia potest esse variatio nam sicut philosophi cognoscunt ultra vulgus Ita sunt aliqui philosophorum cognoscentes ultra alios et secundum haec sunt combinationes dissimiles quia liquae sunt notae aliquibus aliae vero ignotae aliis

4m dictum sub ista ultima latitudine continentur omnes effectus mirabiles hic inferius evenientes quorum causae sunt ignotae vulgo et communiter philosophantibus Et ideo sub ista omnia mirabilia quorum causae a vulgo non possunt inveniri reducuntur ad istud genus et supersticiosae artes magicae etc

Pro cuius maiori declaratione videndum est unum dictum ipsius alkindi in quo dicit sic quod omnis res mundi est quoddam speculum totius ordinis speciarum celestium et multiplicat suum radium per totum mundum inferiorem orbiculariter inferiora adiuvans quo ad aliquos effectus et nocens quo ad alios et est sic repraesentans sicut effectus suae causae et realiter alterat elementa et immutat licet aliter et aliter Et consequenter sicut una quaecumque res est causaliter magis ab una veritate caeli quam ab alia habet maiorem vel minorem effectum

Aliud dictum 2m in ordine seq praete?tis homo dicitur minor mundus / nam sicut in mundo reperiuntur diversa organica ita in homine sicut satis patet per alanum in libro de complantu naturae

Aliud dictum Radiatio cuiuslibet rei iuvatur proportionali radiatione ita quod radiatio saturni iuvat radiationem hominis quo ad effectus suos et sic de aliis / Et sic quaedam radiationes promovent aliquos effectus et aliquos impediunt

Ulterius Radiationes hic facere habent ordinem nedum ad illam armoniam sed etiam inter se / ita quod una iuvat aliam Unde consequenter ponit idem iacob alkindi quod radiatio hominis iuvat illas scilicet intensive desiderio fide et spe et vocat fidem assensum habere firmum ad hoc sine formidine ad oppositum dicit consequenter quod talis radiatio hominis iuvatur ab aliis radiationibus / sicut a radiatione animae quae influit deinde ymaginatio fortis influit etiam deinde vehemens desiderio et ulterius fides scilicet firimius assensus

Consequenter verborum expressio ibidem subordinata conferens efficaciam cum manu fabricatione certa karateres et finitas / Et tales radiationes sunt adiuventes radiationem hominis maxime quando efficiuntur in armonia et constellatione sibi convenient tunc ex hiis provenitur ad intentum Et ultimo superaddit pro complemento spherae generalis expedit sacrificium alicuius animalis / nam eius violenta interfectio dicit ipse est omnium elementarum immuutatio quilibet fit effectus mirabiliter / Et in fine libelli dicit quod in productione cuiuslibet effectus dabitur fortunium vel infortunum regens usque ad finem vite unde dicit ipse desiderium est tamquam scamonea addita medicine attrahens humores vel sicut lux ad tenebram ita ymaginatur se mutuo adiuvare radiationes

Sed breviter ista oppinio est superstitiosa prophana et detestabilis et sacrae doctrinae et philosophiae etiam infamalis contra astrologiam suasu dyabolica repertam vel suggestam et haec satis patet nam ponit quod species et desiderium et terminor procedit ex talibus unde iste sacrilegus iacob alkindi et magus peccat contra ptoloneum et ceteros astrologos reducens sic effect aliud caelum

2o fuit dyaboli discipulus quia magus et dyabolicis invocationibus utebatur ut simon magus quam magis igne et odio deberet puniri quam alio modo / nam provocat hominem ad sacrificia fa?la quae dyabolo ???? et quia dyabolus hominem odit ideo divinos honores libenter requirit venit unde psalmo centesimo 5o scilicet confitemini ubi agitur de transitu per mare rubricum quando filii israel fuerunt in deserto habetur de eis quomodo ydolaraerunt et sic divina beneficia perdiderunt unde dicitur ibidem didicerunt opera eorum et servierunt hominibus / Et sequitur "Immolaverunt filios suos daemoniis"

Et ponit id sacrilegus iacob alkindi quod animal nobilioris complexionis melius est ad immolationem sive sacrificium et hoc est a dyabolo repertum propter humanum genus decipiendum Et sequitur in psalmo eodem "Et iratus est dominus" etc Et licet deus non irascatur antropospa?te tamen dicitur ira sancti ut sic ratione obiecti et non potentiae talia exprimamus

/ Et post dicitur et abhominatus est hereditatem suam et reliquit eos in manus alienorum in signum huius detestationis Ex quibus omnibus apparet quod alkindus institu dyaboli suam operabatur scientiam et talibus radiationibus videtur suam operationem velasse

Item tales radiationes sunt inpertinentes nam caelum sicut dicit continet tales igitur se solo producere potest et hoc videtur implicare contra eum

Etiam ex alio sequeretur quod omnia de necessitate eveniret et sic non oportet addiscere nec aliis rebus vacare quod absit Ex quibus finaliter concluditur quod tamquam prophanus et sacrilegus magus a recta doctrinae se nuta deviavit quare reppellenda sunt eius dicta et non tenenda maxime in ista materia