Ia-IIae, Inq. 4, Tract. 3, Q. 5, Praeambulum

Determinatum est in ista parte de primo homine, in quantum est coniunctus ex corpore et anima. Et primo, de passibilitate naturae; secundo, de prolis propagatione; tertio, de adiutorio gratiae; quarto, de illuminatione scientiae. Sequitur quinto, scilicet hic, de dominio praesidentiae. Primo ergo quaeritur si praesidebat sive dominabatur creaturis utentibus ratione, id est hominibus; secundo, si creaturis utentibus tantum sensu; tertio, si creaturis carentibus sensu.