III, P. 2, Inq. 3, T. 2, S. 3, Q. 1, Praeambulum

Expedita inquisitione moralium et iudicialium praeceptorum, cum adiutorio Christi ad inquisitionem caerimonialium procedamus. Primo, inquirentes generaliter; secundo, specialiter. Generaliter autem quaeruntur ista: Primo, de intellectu caerimonialium; secundo, de causa sive ratione; tertio, de numero et differentia; quarto, de observantia caerimonialium quae pertinent ad discretionem immunditiarum; quinto, de ritu sacrificiorum; sexto, de cessatione caerimonialium. Quantum ad primum quaeruntur duo: Primo, utrum in caerimonialibus universaliter sit sensus seu intelligentia litteralis; deinde, qualiter in praeceptis caerimonialibus sit intelligentia spiritualis.