De iudicialibus et ceremonialibus

DE IUDICIALIBVS & ceremonialibus. ⁋ Supersunt iudiciales & ceremoniales leges, de quibus non adtinet in compendio plura dicere. Iudiciales de iudicis, poenis, adeoque de forensibus caussis in literis diuinis populo Iudaico proditae sunt. Hoc gens leges ignorant euangelicae literae, que uindiciae Christiano populo prohibitae sint, & mandata paupertas rerumque communio, & interdictum sit forum, ut docet Paulus in priore ad Corint. vi. cap. Iam quidem omino delictum est, que lites habetis inter uos inuicem.

⁋ Ceremoniales de ritibus sacrificiorum, de dierum discrimine, de uestibus, de uictimis, deque hoc genus alis proditae sunt. In quibus non dubium est quin sint adumbrata mysteria Euangelii, ut docet Epistola ad Hebraeos, Item loci aliquot ad Corinthios, & testantur idem prophetatum literae alicubi, qui fere typos legis Qxαγαριαs ad euangelica mysteria accomodarunt. Qualia sunt in psalmis pleraque. Proinde in hoc genere requirendae sunt allegoriae, sed prudenter. Nam hic plusquam pueriliter ineptiunt etiam magni saepe auctores. Nec allegoricam inpretationem admittunt nisi ritus & facta, in hoc prodita, ut essent signa aliarum rerum, ut sacrificia pontificatus Leuitici in hoc prodita sunt, ut essent signa sacerdocii Christi. Iam infoeliciter tractabit allegorias, nisi qui uniuersae scripturae peritissimus est. Facile autem iudicabit spiritus, immo sensus communis, quatenus & in quam partem liceat allegoriis uti. Nec illae parum conducunt ad intelligendam uim tum legis tum Euangeli, modo apposite tractentur. Id quod ostendit Epistola Hebraeis inscripta, quae Aharonem cum Christo comparans, mirum est, quam clare ob oculos ponat Christum, quam proprie doceat, quid beneficiorum per Christum orbis terrarum acceperit, quid conferat Christi pontificatus humano generi, ut non aliunde iustificemur, nisi per Christi sacerdotium. ⁋ Superest ut de legis ui, deinde & abrogatione dicatur, qui loci in primis hic requirendi sunt, sed quando ea disputatio non potest intelligi, nisi conferatur lex ad Euangelium, infra ubi de Euangelio dixero, simul de ui legis, & abrogatione disseremus. Nunc adiciemus ad hunc locum, quid de humanis legibus sentiri debeat.