Quaestio 1
Quaestio 1
Nunc de affinitate. In ista Distinctione Quadragesimaprima agit Magister de alio impedimento, puta de affinitate, de qua quaero istam Quaestionem: Vtrum impediat matrimonium.
Articulus 1
Utrum Affinitas impediat matrimonium.
RESPONDEO: Affinitas dicitur vinculum, quod contrahitur ex consanguineitate, quando scilicet aliquis communicat in copula carnali licita, vel illicita cum aliquo, efficitur statim affinis consanguinei illius, cum quo communicat, & e conuerso; hoc idem fit in desponsatione: haec ergo affinitas impedit in eodem gradu, & eodem modo, quo consanguineitas propter easdem rationes.
