III, P. 1, Inq. 1, T. 5, Q. 2, Praeambulum

Inquisito de Dominica passione, cum omni devotione inquirendum est de sacratissima eius morte, ex cuius consideratione magis esset lugendum quam disputandum. Solent tamen quaerere circa hoc disputantes: Primo, an mors Christi debeat intelligi separatio humanitatis a deitate; secundo, an simpliciter concedendum sit de Christo quod fuerit mortuus; tertio, an concedendum quod in triduo fuerit homo; quarto, de descensu animae eius ad inferos ; quinto, de quiete corporis eius in sepulcro.