Titulus 10

Non obstantibus exspectationibus beneficiorum permutatio fieri potest.

Ioann. Andr.

Bonifacius VIII. Biterensi Episcopo *.

Licet in tua dioecesi aliqui auctoritate apostolica beneficia proximo vacatura exspectent: illos tamen, qui, secundum formam iuris sua beneficia in eadem dioecesi ad tuam collationem spectantia permutare volentes, libere ac sine fraude in manibus tuis ipsa resignant, nolumus occasione praemissa, (aequitatem praeferentes in hac parte rigori,) circa faciendam permutationem beneficiorum huiusmodi, (quae alias minime resignassent,) ullatenus impediri.