Divisio Textus

DIVISIO TEXTUS. "Praeterea inquirit oportet," etc.

Hic incipit tertia pars et ultima istius questionis in qua agitur de unione assumentis et assumpti in hypostasi et persona.

Dividitur autem in partes duas : in quarum prima agitur de unione facta in hypostasi. In secunda autem opponitur contra determinata, ibi, E, "Mie a quibusdam opponitur, quod persona, etc."

Adhuc prior dividitur in partes duas: in quarum prima determinatur, quod persona assumpsit naturam, et quod natura naturam. In secunda autem ulterius queritur, Utrum haec concedi debeat, natura est caro facta ?, ibi C, "Sed querilur, Utrum eadem divina natura debeat, etc."

Prima harum adhuc subdividitur in duas: in quarum prima probat, quod non natura personam, nec persona personam, sed persona naturam assumpsit. In secunda, movet questionem, Utrum natura naturam assumpsit ? ibi, A,§ 2: "His altisque pluribus auctoritatibus, etc."

In primo paragrapho primi capituli tangit primo questionem quatuor problematum, silicet utrum natura personam, vel persona personam, vel persona naturam, vel natura naturam assumpserit? et determinat tria istorum problematum, scilicet quod non natura personam, nec persona personam, sed persona naturam assunipsit.