Articulus 4

ARTICULUS IV. An sacramenta Christianorum sint anteriora sacramentis Judeorum ?

Deinde queritur de hoc quod dicit Ambrosius, ibi, A, in fine : "Intelligi datur anteriora esse sacramenta, etc."

Aut enim hoc intelligitur quoad speciem, aut quoad rem : quia non sunt plura in sacramento. Si quoad speciem, istud non videtur verum: quia sacrificia quedam etiam erant in naturali lege facienda ad dimissionem originalis peccati, ut dicit Gregorius, ut supra habitum est in principio hujus libri *. Si autem quoad rem, tune plane falsum est : quia res sacramentorum nove legis non fuit nisi post adventum Christi.

Praeterea queritur, Quale sic specialiter fuit in isto, quod istud antiquius dicitur etiam sacramentis veteris legis, potius quam alia ?

Soetutio. Dicendum, quod intelligitur quoad speciem et ritum hujus sacramenti : quia utramque speciem, et ritum oblationis et usum sacramenti exhibuit in figura Melchisedech ante circumcisionem in naturali lege, antequam instituerentur sacramenta veteris legis.

AD oBsEcTUM autem contra, dicendum quod illa sacrificia non fuerunt sacramenta, nec figure veteris legis, sed potius figure Passionis Christi et mortificationis carnis poenitentium, ut dicit quedam Glossa super Leviticum.

Ad aliud dicendum, quod illud sacramentum specialem habet dignitatem suae rei quae est Christus perfectus in deitate et humanitate, quam perfectionem non habent sacramenta alia.