Divisio Textus

DIVISIO TEXTUS.

"Et sicut praedictis auctoritatibus, etc." Hic incipit pars illa in qua elidit errorem secundum, hunc scilicet quod de uno peccato possit poenitentia agi, alio peccato in delectatione retento.

Et dividitur haec pars in duas partes. In prima objicit ex canone, et solvit. In secunda objicit ex dictis Patrum, et solvit.

Prima pars subdividitur in duas, sciliect in objectionem, et solutionem. Secunda incipit, ibi, A, § 2: "Sed de his oportet tantum illud intelligi, etc."

In capitulo isto tria facit. Primo errorem recitat : deinde, pro errore illo auctoritatem primo inducit : tertio, format objectionem ex sententia auctoritatis. Et hec patent in Littera.