Articulus 16

ARTICULUS XVI. Utrum Testamentorum fuit gravius?

Sed ad haec incidit questio, quid illorum sit gravius?

Videtur autem, quod Novum : quia magis est difficile relinquere omnia quae sunt in Novo, quam subjicere omnia que sunt in Veteri.

Item, Christus multa addidit veteribus, Matth. v, 1 et seq. Quod autem habet tantum et amplius, illud est gravius: ergo Novum est gravius quam Vetus.

Item, Vetus cohibet manum, et non animum : Novum autem manum, et animum : magis autem est difficile cohibere et manum et animum, quam manum solam: ergo Novum Testamentum est gravius.

SED CONTRA: Dicitur, Act. xv, 10: "Quid tentatis Deum, imponere gugum super cervices discipulorum, quod neque patres nostri neque nos portare potuimus ?" ergo gravius est quam Novum.

Item, Matth. x1, 28 et 30: "Venite ad me, omnes qui laboratis, etonerati estis, ef ego reficiam vos. Tollite gugum meum super vos, et discite a me, quia mitis sum et humilis corde: et invenietis requiem animabus vestris. Jugum enim meum suave est, et onus meum leve". Econtra igitur videtur, quod sint aequaliter levia.

Solutio. Omnia hujusmodi argumenta leve est determinare : quia sicut vadunt auctoritates etrationes, ita mnunt quamdam distinctionem. Sciendum ergo, quod Novum et Vetus possunt considerari, ut typus, et veritas : et sic est unum in alio. Si autem considerentur quoad materiam preceptorum et motivum ad implendum, tunc Vetus est multo gravius : quia plura habet preecepta, et timor movet ad implendum ea. Si autem considerentur quoad perfectionem status eorum quae precipiuntur, sic. Novum est magis difficile.

Et per hoc jam patet solutio ad omnia.