ARTICULUS XIII.
An boni et mali eque recte et digne
habent potestatem clavium ?
Deinde, queritur de hoc quod dicit,
ibi, C, post initium: "Sed non eam,
scilicet clavem ligandi et solvendi, recte
ac digne habent, etc.".
ConTRA :
Omnis qui utitur potestate ad usum ad
quem est usus, recte habet potestatem :
sed isti sic utuntur potestate: ergo
habent eam recte : sed tales recte baptizant,
et recte absolvunt : ergo, etc.
Responsio. Duplex est rectitudo
potestatis, scilicet ad actum et ad subjectum :
et ad actum quidam recte se habent, sed
non recte ad subjectum.
Per hoc patet solutio ad utrumque :
quia in sensu illo procedunt, quo
rectitudo sumitur ad actum.
