Articulus 7

ARTICULUS VII. An uxores Orientalium consentientes ordination suorum maritorum tenentur continere post moriem eorum ?

Septimo queritur, Utrum uxores Orientalium consentientes in ordinatio- nem suorum maritorum, teneantur perpetue continere post mortem virorum ?

Videtur, quod non : quia 1. Mulier post mortem a lege viri est soluta : ergo "cui vult nubat", secundum Apostolum, I ad Corinth. vn, 339, "tantum in Domino."

2. Item, Quae esset causa, quod non posset nubere ? vir enim suus de cxetero ex quo defunctus est, non contrahit bigamiam, nec ista mulier tenebatur ei nisi ratione matrimonii: ergo videtur, quod soluto matrimonio ipsa se jungere possit cui voluerit.

In conrrarium est, quod ad paria vir et mulier in continentia et debito matrimonii judicantur: ergo quale est votum viri, tale necessario est etiam votum mulieris : sed votum viri est, ut post suam aliam ducere non possit : ergo a simili mulier post mortem viri alium virum ducere non potest.

Responsio. Dicendum, quod uxor post mortem sacerdotis (ut dicunt) alium virum ducere non potest: quando enim consensit in ordinem viri, consentit etiam vel consentire intelligitur consequens ordinem : et hoc est votum continenlia perpetue, quod quidam dicunt causari ab Ecclesie institutione, quidam autem a vi voti, quod melius credo, quia intelligitur eo modo solemnizatum quo solemnizatum est votum viri, ut scilicet post mortem mariti numquam alium accipiat: sicut nec ille post mortem uxoris aliam ducere potest.

Ad primum ergo dicendum, quod soluta est a lege viri post mortem ejus, sed non a yoto, quod intelligitur solemnizasse, quando consensit, quod vir susciperet ordinem.

Ad aliud dicendum, quod votum interpretatum ponitur pro causa: et sic patet solutio.

Tamen Hugo dicebat contrarium, scilicet quod licet ei ducere alinm : dicta opinio est celebrior.