Articulus 11

ARTICULUS XI. An praecedet iudicium ignis conflagrationis, vel sequetur ?

Sexto queritur, Utrum pracedet judicium vel subsequetur ipsum ?

Videtur, quod sequatur: quia 1. Dicit Augustinus, quod sequitur judicium et resurrectionem: ergo videtur, quod ita sit.

2. Item, Augustinus in libro XXII de Civitate Dei, quaerit quare ignis non exurit bonos? et reddit rationem: quia corpora eorum erunt impassibilia, quibus ignis nocere non potest: et illa ratio Augustini non staret, si ignis resurrectionem et judicium precederet: ergo videtur, quod sequatur et resurrectionem et judicium.

3. Item, Ignis ille involvet impios, ut dicunt Sancti: sed impii non involventur, nisi post sententiam judicii: ergo videtur, quod sequatur judicium.

In contrarium est, quod 1. Incendendo incinerabit vivos: hoc autem fiet ante resurrectionem : ergo ille ignis erit ante resurrectionem et judicium.

2. Item, In Littera dicit, quod precedet faciem judicis: ergo et judicium.

Responsio. Dicendum, quod quoad incendium mundi precedet, sed quoad quemdam actum sequetur, scilicet quoad involutionem malorum: ipse enim, ut dicit Chrysostomus, congregabitur circa thronum judicis: et est ille fluvius igneus de quo legitur, Daniel, vu, 10, qui est in circuitu sedis. Et ille secum in infernum trahet impios. Et propter hoc ab Augustino post judicium ordina~ tur.

Et per hoc patet solutio ad totum.

De sequenti autem capitulo ‘ habitum est in libro II Sententiarum, questione de choris Angelorum, et etiam in tractatu de penitentia, questione de igne purgatorio.