Ut ex legibus senatusve consultis bonorum possessio detur.
1
Ulpianus
libro 49 ad edictum Praetor ait: "Uti me quaque lege senatus consulto bonorum possessionem
dare oportebit, ita dabo".
Numquam bonorum possessio, quae ex alia parte edicti adgnita est,
impedit istam bonorum possessionem.
Cum ex lege duodecim tabularum quis habet hereditatem, hinc non
petit, sed inde "tum quem ei heredem esse oportet", quippe
cum non alias hinc competat bonorum possessio, quam si lex specialiter
deferat bonorum possessionem.
