Caput 16

"Pro quibus," etc. RAB. " Populus Israel in deserto carnes concupivit, etc., usque ad ideo eis cruciandi juste traditi sunt."

"Sed non in perpetuum." RAB. " Non enim serpens aeneus, etc., usque ad quia mortuus per humanitatem, quasi aeneus est per Divinitatem."

"Illos enim," etc. Probantur electi per afflictionem, et monentur ut peccata caveant, et bona faciant. Reprobi disperguntur, quia non corriguntur. Ideo idololatras parva animalia interimunt. Israelitas vero Dei cultores serpentes exterminare non possunt; quia novit Dominus pios de tentatione eripere: iniquos vero in die judicii reservare cruciandos.

"Sed tuus, Domine, sermo." Id est, Filius, per quem omnia, cujus potestas ubique, qui omnia quaecunque voluit fecit; ipse curat corpora, ipse a spiritualibus bestiis animas salvat.

"Homo autem occidit." CHRYS. " Homo per malitiam, etc., usque ad liber est ab omni crimine."

"Negantes enim nosse," etc. RAB. " Diversis plagis afflicti sunt Aegyptii, etc., usque ad quia ad Creatoris voluntatem omnia consentiunt."

"Quodam enim tempore." RAB. "Sicut in Genesi legitur: Pluit Dominus super Sodomam et Gomorrham ignem et sulphur, ut disperderet impios: et in Exodo, grandinem pariter et ignem. In libro Numerorum: Misit ignitos serpentes contra murmurantes, ut cognoscant impii quod omnis creatura parata est ulcisci injuriam Creatoris."

"Pro quibus," etc. RAB. "In deserto datum est manna filiis Israel, etc., "usque ad Multa flagella peccatoris, sperantem autem in Domino misericordia circumdabit"."

"Creatura enim," etc. RAB. "Confundantur hic peccatores: qui cum caeterae creaturae factori suo deserviant, ipsi repugnant. Unde creaturarum omnium concordia flagellantur: et si non poenituerint, perpetuo cruciabuntur; bonis autem vera bona praeparantur."

"Propter hoc," etc. RAB. " Pluit Deus manna de coelo, etc., usque ad tanquam praevaricator legis in aeternum peribit."

"Ut notum omnibus," etc. RAB. " Iste cibus historialiter pascebat, etc., usque ad ad ortum vero solis, id est, Christi dicamus: "Verbum caro factum est, et habitavit in nobis.""