I, P. 1, Inq. 2, Tract. 1, Praeambulum

Invocata Spiritus Sancti gratia, post inquisitionem eorum quae pertinent ad divinam essentiam, cum omni veneratione et modestia procedamus ad inquisitionem eorum quae pertinent ad declarationem divinarum personarum. Modus autem inquisitionis et ordo erit talis, ut Primo quaeramus de multiplicatione seu pluralitate personarum; secundo, de veritate personarum; tertio, de numero personarum; quarto, de ordine personarum; quinto, de aequalitate personarum.