I, P. 2, Inq. 1, Tract. 1, Praeambulum

Inquisitis in praecedentibus iis quae spectant ad fidem divinitatis et Trinitatis, procedimus ad inquisitiones eorum quae pertinent ad confessionem eiusdem sacratissimae Unitatis et Trinitatis; ad quod prosequendum ipsius adiutorium invocamus. Modus autem inquisitionis eius erit talis: Ut primo ponamus inquisitiones quasi introductorias circa divina nomina in generali; secundo, descendamus ad inquisitionem nominum in speciali; tertio vero colligamus nominum differentias simul, suppositis regulis quibus universaliter absque errore possimus enuntiare quod de sancta Trinitate credimus locutionibus catholicis et veris.