I, P. 2, Inq. 2, Tract. 3, Sect. 1, Q. 1, Praeambulum

Expedito per Dei gratiam de nominibus essentialibus et personalibus, consequens est quaerere de nominibus notionalibus. Et primo est inquisitio in generali, secundo in speciali. In generali autem quaerenda sunt ista: Primo, an sit ponere notiones in divinis personis; secundo, an sit ponere notiones, proprietates et relationes, et quid sint secundum rationem intelligentiae; tertio, de numero notionum; quarto, si idem est numerus notionum, proprietatum et relationum; quinto, de comparatione proprietatum et notionum ad personas et essentiam.