Ia-IIae, Inq. 4, Tract. 3, Q. 2, M. 2, Praeambulum

Determinato de modo sive de via propagandi, id est de coitu primorum parentum, sequitur de ipsa prole propagata. Unde intentio huius partis est determinare quales liberos genuissent primi parentes, si non peccassent, et posteri eorum. Primo ergo quaeretur quales liberos genuissent quantum ad iustitiam; secundo, quales quantum ad scientiam; tertio, quales quantum ad virtutem corporalem; quarto, quales quantum ad sexum.