IIa-IIae, Inq. 3, Tract. 4, S. 2, Q. 1, T. 2, Praeambulum

Consequenter dicendum est de peccato invidiae. Circa quod plura incidunt dubitabilia. Et primo quaeritur quid sit invidia; secundo, utrum sit peccatum vel non; tertio, utrum sit peccatum mortale vel veniale; quarto, utrum sit capitale peccatum; quinto, utrum sit spirituale peccatum vel carnale; sexto, de gravitate istius peccati; septimo, de subiecto invidiae; octavo, respectu cuius sit invidere; nono, cui opponitur invidia; decimo, de differentia invidiae ad aemulationem; undecimo, utrum invidia sit mater, omnium peccatorum.