III, P. 2, Inq. 1, Q. 1, Praeambulum

Sed quia omnes leges, prout dicit Augustinus, et praecepta ab aeterna lege derivata sunt ideo ab ipsa lege aeterna inchoandum est, quaerendo: Primo, an sit lex aeterna; secundo, an notio eius impressa sit menti rationali ; tertio, quid sit; quarto, de intentione legis aeternae secundum quod in Deo; quinto, de eius immutabilitate; sexto, de eius unitate; septimo, de derivatione legum temporalium ab ipsa ; octavo, de subiectis legis aeternae; nono, de effectu legis aeternae.