III, P. 2, Inq. 3, T. 2, S. 1, Q. 1, T. 4, Praeambulum

Inquisitionis ratio exigit ut post praecepta primae tabulae Decalogi, quae ordinant ad Deum, quaeramus de praeceptis secundae tabulae ordinantibus ad proximum. Et primo de mandato honoris parentum, de quo Exod. 20, 12: "Honora patrem et matrem, ut sis longaevus super terram", et Deuter. 5, 16: "Honora patrem tuumet matrem, sicut praecepittibi Dominus, ut longo tempore vivas et bene sit tibi". Circa hoc quaeritur quis dicatur pater et mater in hoc praecepto; quantum ad quid intelligatur honor in hoc praecepto; de forma huius praecepti; de obligatione huius praecepti.