Obiectum

OBiectum. de hoc nota secundum Guil. in primo di. xxxv. quod obiectum dicitur quod se obiicit seu praesentat potentie operanti puta color dicitur obiectum vi sus. Et sonus obiectum auditus. Item ens vel verum est obiectum intellectus nostri. Et essentia diuina est obiectum intellectus dei

¶ Sed quod est obiectum primarium intellectus diuini. Respondetur secundum eundem Guil. Scotistam aliosque communiter quod respectu diuini intellectus primo se obiicit diuina essentia contemplanda. propterea dicitur obiectum primarium Et se habet respectu diuini intellectus in ratione mouentis et terminantis capiendo mouens large. Denique ibidem dicit idem Guil. quod sub isto primario obiecto comprehenduntur modi intrinseci deitatis et attributa diuina et persone divine etc. vsque ad rerum esse cognitum. quod est secundarium obiectum. Secundo itaque respectu diuini intellectus se obii. ciunt creature in esse essentie cognito seu intelligibili. Et istud esse intelligibile non mouet intellectum diuinum. sed solum terminat. et ideo obiectum nominatur secundarium et producitur in tali esse per cognitionem obiecti primarii. et sic patet. Tertio se obiiciunt creature in esse realis existentie Et iste nec terminant nec mouent intellectum diuinum. Sed solummodo est ipsarum creaturarum respectus ad deum de tertio modo relatiuorum. ita quod ad deum referuntur. non deus ad eas vt patet vbi de Relatione. §. x Et pluribus passibus. Ex istis patet quid sit obiectum primarium et quid secundarium ac tertiarium intellectus diuini.

¶ Sed quod est obiectum primarium intellectus nostri. vide vbi Cognoscere. §. iiii. Et vbi Habitus. §. ii.