Titulus 24
Titulus 24
Divortio facto apud quem liberi morari vel educari debent
1
Imperatores Diocletianus, Maximianus Licet neque nostra neque divorum parentium nostrorum ulla constitutione caveatur, ut per sexum liberorum inter parentes divisio celebretur, competens tamen iudex aestimabit, utrum apud patrem an apud matrem matrimonio separato filii morari ac nutriri debent. * DIOCL. ET MAXIM. AA. ET CC. CAELESTINAE. *<A 294 S. XVI K. IUL. BEROAE CC. CONSS.>
