Titulus 51

Imperator Gordianus Si ea caecitate pater tuus oppressus est, ut utriusque oculi aciem prorsus amiserit, levamentum personalium munerum sentiet. * GORD. A. CASSIANO. *<A XXX >

Imperatores Diocletianus, Maximianus Cum articulari morbo debilitatum te esse dicas, iuxta iuris publici auctoritatem a personalibus muneribus vacationem habebis. * DIOCL. ET MAXIM. AA. IULIANO. *<A XXX >

Imperatores Diocletianus, Maximianus Podagrae quidem valitudo nec personalium munerum prodest ad excusationem: verum cum ita te valitudine pedum adflictum dicas, ut rebus propriis intercessum commodare non possis, adi rectorem provinciae, qui si adlegationibus tuis fidem adesse perspexerit, ad corporalia munera vocari te non patietur. * DIOCL. ET MAXIM. AA. ET CC. CELERI. *<A XXX >

Imperatores Diocletianus, Maximianus Casus patris corporis munerum personalium filio iure non praestat excusationem. * DIOCL. ET MAXIM. AA. ET CC. REGINO. *<A XXX >