Titulus 4

Imperatores Valentinianus, Valens, Gratianus Praefectum urbis praefectum praetorio magistros equitum ac peditum indiscretae ducimus dignitatis, usque adeo videlicet, ut, cum ad privatam secesserint vitam, eum loco velimus esse potiorem, qui alios promotionis tempore et codicillorum adeptione praecesserit. * VALENTIN. VALENS ET GRAT. AAA. AD AMPLEIUM PU. *<A 372 D.III NON.IUL.NASONACI.ACC.III NON.SEPT.MODESTO ET ARINTHEO CONSS.>

Imperatores Gratianus, Valentinianus, Theodosius Quisquis magisterium equitum peditumque susceperit et gesserit ante captam a quoquam praefecturam, is, cum privatus erit et honorem deposuerit, ex praefectis qui provecti fuerint praeferatur.

Si igitur sedes prior ante provectis, locus conspectior, decernendi loquendique facultas antiquior, cui est splendor adepti magistratus vetustior. * GRAT. VALENTIN. ET THEODOS. AAA. RESTITUTO PU. *<A 380 D.VIII K.IUL.THEOSSALONICAE GRATIANO V ET THEODOSIO AA.CONSS.>