Rubrica 6

¶ De susurratione et seminatione discordiarum. Rubrica. 6.

IN leuitico cap. 19. "Non eris criminator nec susurro in populis."

¶ Slomon in prouerb. c. 22. "Qui seminat iniquitatem: metet mala. 26 c.Cum deferit lingua extinguetur ignis: et susurrone subtracto iurgia conquiescunt. Uerba susurronis quasi simplicia: et ipsa perueniunt vsque ad intima ventris."

¶ Iesus filius sirach in eccl. c. 5. "Non appellaueris susurro in via tua: et lingua tua ne capiaris et confundaris. Susurratori odium et inimicitia et contumelia."

/ 21 ca. "Susurro coinquinabit animam suam: et in omnibus odietur."

/ 28. c. "Uir peccator turbabit amicos: et in medio pacem habentium mittit inimicitiam. Susurro et bilinguis maledictus multos enim turbauit pacem habentes. Lingua tertia multos commouit: et dispersit illos de gente in gentem: ciuitates muratas diuitum destruxit: et domos magnatorum effodit: virtutes populorum concidit et gentes dissoluit: lingua tertia mulieres viratas eiecit: et priuauit illas laboribus suis. Qui respicit. illam non habebit requiem: nec habebit amicum in quo requiescat. Beatus est qui tectus est a lingua nequam. Noli audire nequam linguam."

¶ Ualerius maxi. li. 7 ti. "vafredicta aut facta.>"

"¶ Tullius dux volscorum ad bellum inferendumromanis maxima cupiditate accensus cum aliquos aduersus preliis contusos animos suorum: et ob id pacis proniores animaduerteret: insidiosa ratione quo dolebat compulit. Nam cum spectandorum ludorum gratia magna vulscorum multitudo romam conuenisset: consulibus dixit vehementer se timere nequit hostile subito molirentur: monuitque vt essent cautiores: et protinus ipse vrbe egressus est. Quam rem consules ad senatum detulerunt: qui tam et si nulla suspitio suberat: auctoritate tantum tuli: commotus vt ante noctem volsci abirent decreuit. Qua contumelia imitati facilem pelli potuerunt ad rebellandum. Ita mendacium versuti ducis simulatione beniuolentie inuolutum duos simul populos fefellit: romanum vt insontes notaret volscum vt deceptus irasceretur."

¶ Auctor libri de formula honeste vite. c. 3. "Neminem susurro appetas: neminem effodias"

¶ Gregorius in pastorali. c. 48. "Seminantes discordiam charitatem: quae nimirum virtutum est omnium mater extinguit."

¶ Gualterius de castellione li. i. "Consultor procerum seruos contenne bilingues."