Rubrica 4

¶ De ratione morali considerantione. Rubrica 4

Plato in menone: "Quotiens absque mente audet homo leditur: quotiens vero cum mente proficitur."

¶ Aristoteles ethicorum lib. i. ca. 8. et fi. "Omnia consonant rationi."

Idem magnorum moralium li. 2 c. 3 "Que fiunt absque ratione iudicante directiones a fortuna sunt."

/ Idem physicorum li. 8. c. 3 "Ordinatio omnis ratio est."

¶ Tullius tusculanarum questionum libro. 3 "Munus animi est ratione bene vti. Sapientis animus ita semper affectus est vt ratione optime vtatur."

/ Lib. 4. "Bene adhibita ratio cernit quid optimum sit neglecta vero multis implicatur erroribus. Nihil sine ratione recte fieri potest"

/ Idem de legibus li. i. "Quid est non dicam in homine: sed in omni caelo atquem terra ratione diuinius: que cum adoleuit perfecta est nominatur rite sapientia."

Li. 2. "Lex vera atque princeps apta ad iubendum et ad vetandum ratio est recta."

/ Idem de fine bonorum et malorum li. 4. "Rationis perfectio est virtus."

Idem de natura deorum li. 2. "Nihil est mente et ratione melius."

¶ Seneca epistolarum ad lucillum li. 5. e. 8 "Si vis omnia tibi subiicere: subiice te rationi."

Li. 8. e. i. "Ratio nihil aliud est quam incorpus humanum pars diuini spiritus mersa. Nullum bonum fine ratione est. Quicquid vera ratio commendat solidum et eternum est: firmat animum: attollitque futurum semper in excelso. Uirtus non aliud quam recta ratio est: omnes virtutes rationes sunt. Sequitur ratio naturam quid ergo est ratio: nature imitatio."

/ 18 ti. e. 2 "Ratione valentius nihil est: casum doloremque et iniuriam subigit. Ama rationem: huius te amor contra durissima armabit."

/ 17 ti. e 4. et pe. "Omnia ad rationem reuocanda sunt"

Idem de beneficiis li. 4. "Nihil sine ratione faciendum est."

¶ Lex diges. ti. de legibus. l. infrascripta. "Non omnium que a maioribus constituta sunt ratio reddi potest."

/ Ti. ad le. acquilis. l. ita vulneratus: "Multa iure ciuili contra rationem disputandi pro vtilitate communi recepta sunt."

¶ Maximianus: "Plus ratio quamuis ceca valere solet."

¶ Cassiodorus epistolarum li. i. e. 9 "Fidem siquidem rerum a ratione colligimus: que nunquamdesiderantibus absconditur si suis vestigiis perquiratur."