Rubrica 6

¶ De imagine memoria reminiscentia et obliuione morali consideratione. Rubrica. 6

PLato in timeo circa princi. "Certum ilud expertus sum tenatiorem fore eorum memoriam que prima etate discuntur."

¶ Aristoteles de memoria et reminiscentia: "Meditationes memoriam saluant in reminiscendo: hoc autem nil est alterum quam speculari multotiens sicut imaginem et non sicut per se."

/ "Memorari est non nunc reminiscentemsed ex principio scientem aut addiscentem aliquid. Sunt magis reminiscibiliora quecum que ordinationem habent. Que multotiens intelligimus velocius reminiscimur."

/ Idem de hystoriis animalium li. 8. c. i. "Memoratior est mulier viro."

/ Idem retho. lib. 2. c. 4 "Propter incuriam obliuio fit. Incuria autempar impensio est."

/ Libro. 3 c. 10. "Metra omnes memorantur magis quam que non ligata: numerum enim habent quo mensurantur."

¶ Salustius in iugurtino: "Quintus maxim publius scipio preterea ciuitatis romane praeclari viri soliti erant ita dicere: Cum maiorum imagines intuerentur: vehementissime sibi animum ad virtutem accendi: scilicet non terram illam nec siguramtantam vim in se habere: sed memoria rerum gestarum eam flammam egregiis viris in pectore crescere: neque prius sedari quam virtus eorum famam atque gloriam adequauerit."

¶ Oratius in poetria: "Omne superuacuum pleno de pectore manat."

¶ Tullius retho. artis noue li. i. c. 2. "Memoria est firma animi rerum et verborum dispositionis perceptio."

/ Libro. 3. c. 4. "Nuperrime dictum facile memorie commendatur."

¶ 12. c. "Si quas res in vita videmus paruas vsitatas quottidianas: eas meminisse non solemus: propterea quod nulla nisi noua aut admirabili recommouetur animus: aut siquid videmus aut audiuimus egregie turpe aut honestum inauditum magnum incredibile periculosum id diu memenisseconsueuimus. Usitate res facile memoria elabuntur. Insignes et noue diutius manent in animo."

/ Idem de oratore libro. 2 ad finem: "Fingende sunt: nobis imagines quibus semper vtamur rerum memoria."

/ Idem de natura deorum libro. 2. "Nihil est difficilius quam a consuetudine oculorum aciem mentis adducere."

¶ Seneca tragediarum in troa: ca. 7. "Dediscit animus sero quod didicit diu."

/ Idem de beneficiis libro septimo et finali: "Solet plus prodesse si pauca precepta sapientie teneas: sed illa in promptu et in vsu sunt tibi sint: qua si multa didiceris: sed illa non habeas ad manum. Fragilis est memoria: et rerum turbe non sufficit."

/ Idem declamatione seu ciuilium causarum libro. i. in prohemio: "Sepe quod querenti non comparuerat aliud agenti presto. est."

/ Idem in epistolis ad lucillum li. 5. c. 4. "Turpe est seni aut conspicienti senectutem ex commentario sapere. Aliud est meminisse: aliud scire meminisse est rem omissam memorie custodire. at contra scire est sua facere queque: nec ad exemplare pendere: et totiens respicere ad magistrum. Aliquid inter te intersit et librum."

/ Idem de moribus: "Memoria beneficiorum fragilis est: iniuriarum vero tenax."

¶ Macrobius saturnaliorum in prohem. "Distincta melius seruantur in animo."

¶ Cassiodorus epistolarum li. 5. e. 22. "Magnum beneficium est obliuionis nescire defectum. Quedam similitudo nature celestium est tempore decursa semper habere praesentia."

/ Li. 11. et pen. e. 39 "Memoria nostra et si causas retinet verba commutat"

¶ Hugo de sancto victore: in didascolo li. 3. c. 10. "Memoria hebes est: et breuitate gaudet: et si in multa diuiditur fit minor in singulis."

/ Idem in compendio philosophie li. 2. in prohem. "In omni doctrina breue aliquid et certum debemus colligere: vt ipsum in alta sede mentis recondamus."

¶ Andreas ad gualterium de amore libro. i. "Sepius repetita veritas maiori soliditate firmatur: et attentiori memoria conseruatur."

¶ Gaufridus in poetria. ca. 107 "Cellula quae meminit est cellula delitiarum. Delitiasque sitit non tedia: vis ne placere Illi: non oneres illam: vult illa benigne Tractari: non mole premi: qua lubrica res est. Et rerum turbe non sufficit Delectatio sola Uim memoratiuam validam facit."