Rubrica 1

QUartus liber tertie partis tractat de prudentia operandi: et his que pertinent ad eam. Sub his titulis. ¶ De vtilitate seu proficuo. Rubrica prima.

ISaias propheta. c. 1. "Omnes appetunt munera: sequuntur retributiones."

¶ Aristotelis ethicorum. li. 8. c. 1. "Diuitie sunt vtilium."

/ Li. 4. c. 2. "Uidebitur vtile esse per quod fit bonum aliquod: vel delectatio. Quare amabilia erunt et bonum et delectatio."

/ Idem re thor. li. 2. c. 16. "Iuuenes eligunt agere honesta quam conferentia. Quod conferens est ipsi bonum est: honestum autem simpliciter bonum est."

/ Li. 3. et. f. c. 18 "Prudentis in eo quod est proficuum prosequi. Boni autem in eo quod est honestum."

¶ Tullius. de officiis. libro. i. c. 53 "Omnis actio vacare debet temeritate et negligentia: nec vero agere aliquid cuius non possit causam probabilem reddcre."

/ Li. 2 c. 20. "Omnes expetimus vtilitatem ad eamque rapimur: nec facere aliter vllo modo possumus nam quis est qui vtilia fugiat: aut quis est qui non eam studiosissime prosequatur." Idem rethor. artis veteris.

/ Li 2 c. 11. "Utilitatis due partes esse videntur: incolumitas: et potentia"

/ Idem de oratore. li. b. 2. "Nemo presertim est in clara ciuitate quin putet expetendam maxime dignitatem: sed vincit vtilitas plerumque: cum subest ille timor: ea neglecta ne dignitatem quidem posse retineri."

¶ Quintilianus declamationum. 9 declama. "Labori oportet incumbere vbi promittitur. Stulta cura est que spem non habem"

¶ Seneca de beneficiis. li. 7. et f. "Solet plus prodesse si pauca precepta sapientie teneas sed illa in promptu et in vsu sint: quam si multa quidem didiceris: sed illa non habeas ad manum."

/ Idem de ira. li. 3. "Non expedit omnia videre omnia audire."

¶ Lucanus lib. 8. "Dat penas laudata fides cum sustinet inquit: Quos fortuna premit. Cole felices: miseros fuge. Aduersis non deesse decet: sed leta secutos. Nulla fides vnquam miseros eligit amicos."

¶ Lex dige. ti. familie herciscum. li. iii. "Sepe solutio et executio precium non minima incommoda habet."

/ Ti. delegatis. il. si cui fundus. "Sepe confines fundos: et supra estimationem iustam interest nostra acquirere"

Fulgentius: nutologiarum in prohemio. "Ubi emolumentum deest negocii causa cessat inquiri."

¶ Cato capitulo. 2. "Que nocitura tenes quamuis sint cara relinque. Utilitas opibus preponi tempore debet."

¶ Capitulo. 5. et f. "Res age quaeprosunt rursus virare memento. In quibus error inest nec spes est certa laboris."

/ Uersificator fabularum esopi. 28 fabula. "Nullus amor durat nisi fructus seruet amorem. Quilibet est tanti munera quanta facit."

¶ Auctor. l. qui dicitur pamphylus. c. 83 "Quis non menti inops sua semina mandet arene. Cum mercede labor gratior esse solet."

¶ Gaufridus poetria. c. 80. "Quis sanus ad vtile torpet"