Rubrica 8

¶ De meretrico amore. Rubrica. 8.

SAlomon in prouerbiis. capitulo 5. "Fauus stillans labia meretricis et nitidius oleo guttur eius: nouissima autem illius amara quasi absinthium: et acuta quasi gladius biceps. Uagi sunt gressus meretricis: et inuestigabiles. Longe faca meretrice viam tuam: et ne appropinques foribus domus eius."

¶ Terentius in eunucho. capitulo 22. "Quomodo adolescentulus Meretricum ingenia posset noscere Mature."

/ Capitulo. 24. "Audaciam meretricum specta."

¶ Ouidius sine titulo libro i. capitulo 10. "Sola viro mulier spoliis exultat ademptis. Sola locat noctes: sola locanda venit. Et vendit quod vtrumque iuuat: quod vterque petebat Pro male conducto gratia nulla thoro. Parcite formose precium pro nocte pacisci. Non habet euentus sordida preda bonos."

¶ Quintilianus declamationum. 13 declamationr. "Inuentas credo meretrices vt esset aliquid quod liceret amare pauperibus."

¶ Cato. capitulo i. "Meretrices fuge."

¶ Uersificator fabularum esopi. "Thaida si quis amat sua se non credat amari. Thais amore carens munus amantis amat."

¶ Auctor libelli qui dicitur facetus. capitulo 5. "Si se supponat meretrix non praestat amorem Non amat id quod agit: sed quod habere cupit."