SEcundus liber quinte partis
tractat de bello et hostilitate
et de arte bellandi sub his
titulis.
¶ Unde oriuntur bella. Rubrica i.
PLato. in phedrone. "Propter
pecuniarum
possessionem vniuersa bella nobis fiunt."
¶ Aristoteles rethoricorum libro 2. capitulo 6. "Pugnantes contraria videntur velle."
¶ Salustius in catilinario: "Imperii et
diuitiarum causa bella atque certamina omnia
inter mortales sunt."
¶ Tullius phylippicorum libro 12. et penultimo. "Fortitudo dimicare iubet. Iustum odium
incendit ad confligendum: impellit vocat ad
periculum."
¶ Ouidius epistolarum. 15. epistola. "Certamen
premia magna mouent."
¶ Iacobus apostolus. epistola vnica. capitulo 4. "Unde
bella et lites inter vos: nonne hinc ex
concupiscentiis vestris que militant in membris vestris."
¶ Lucanus. libro 3. "Certamen mouistis opes."
¶ Iacobus beneuentanus. capitulo 5. "Effreni
lingua surgere bella solent."
