Rubrica 10

¶ De laudabiliter morientibus et laudabili fama mortuorum. Rubrica. 10

TObie. capitulo 2. "Hoc pro certo habet omnis qui colit deum quoniam vita eius si in probatione fuerit coronabitur."

¶ Isocrates in exhortationibus. capitulo 2. in finali. "Mori quidem in omnes promulgauit fortuna: bene autem mori proprie natura virtuosis attribuit."

¶ Uirgilius eneide. libro 10. circa medium: "Stat sua cuique dies breue et irreparabile tempus Omnibus est vite: sed famam extendere factis: Hoc virtutis opus."

¶ Tullius phylippicorum. libro 13. et finali. "Breuis a natura nobis vita data est: at memoria bene redite vite sempiterna."

/ Idem in oratione pro marco marcello: "Nec hec tua vita dicenda est que corpore et spiritu continetur: illa inquam vita est tua quae vigebit memoria seculorum omnium: quam posteritas alet: quam ipsa eternitas semper tuebitur huic tu inseruias: huic te obstentes oportet."

¶ Libro sapientie. capitulo 5. "Iusti in perpetuum viuent: et apud dominum est merces eorum."

¶ Mattheus in euangelio. capitulo 5. "Beati mundo corde: quoniam ipsi deum videbunt. Beati qui persecutionem patiuntur propter iustitiam: quoniam ipsorum est regnum celorum."

¶ Marcus in euangelio. capitulo 10. "Paruulorum est regnum dei."

¶ Iohannes in appocalypsi. capitulo 10. "Beati mortui qui in domino moriuntur."

¶ Lex institutione. titulo de excusationibus tutorum. §. iii. "Qui pro re publica ceciderunt: in perpetum per gloriam viuere intelliguntur."

¶ Marcialis cocus. libro vndique suscepto. capitulo 2. "Tarde vel subito vita recedere nil est. Si bene decedas pindare non nihil est."

¶ Augustinus in epigrammatibus prosperi: 50. epigramma. "Mala mors putanda non est: quam bonam vita precesserit."

¶ Cato capitulo. 5. "Felices obeunt quorum sine crimine vita est."

¶ Bernardus. libro de improbatione viciorum capitulo 9. et finali. "Id solum te met post mortem factum beabit: Quod bene quod iuste quod recte feceris ipse."

¶ Mattheus vindocinensis: de hystoria tobie capitulo 66. et antepenultimo. "Iustus obit nec obit: sed abit ab hospite migrans Carne: petit patriam delitiasque patris."