Divisio textus

Haec est tertia pars, in qua Magister tertiam prosequitur quaestionem. Et dividitur haec pars in tres partes. In prima movet quaestionem. In secunda solvit, ibi : Sane ad hoc dici potest etc. In tertia, iam determinata veritate, respondet auctoritatibus superius inductis ad falsam partem, ibi : Cum igitur ex his aliisque pluribus testimoniis etc.

Ex quibus responsionibus duo praecipue circa confessionem manifestantur, sicut patet in littera, scilicet cui sit confitendum et quid sit confitendum.