Divisio textus

Supra egit Magister de confitendi necessitate et absolventis potestate. Haec est tertia pars, in qua agit de temporis opportunitate. Et habet haec pars duas. In prima agit de temporis opportunitate quantum ad poenitentiam mortalium. In secunda quantum ad remissionem venialium, distinctione sequenti, ibi : Solet etiam quaeri, utrum post hanc vitam.

Prima pars habet duas. In prima agit de opportunitate temporis respectu poenitentiae in se. In secunda in comparatione ad potestatem sacerdotis, ibi : Si vero quaeritur de illo qui satisfactionem iniunctam etc. Prima pars habet duas. In prima quaerit tempus poenitentiae inchoandae ; in secunda ipsius poenitentiae sive satisfactionis terminandae, ibi : Si vero quaertiur de illis qui in hac vita poenitentiam etc. Et in, utraque parte primo proponit veritatem, secundo confirmat per auctoritatem.