II, Distinctio 23, Tractatio Quaestionum, Praeambulum

Ad intelligentiam huius partis circa duo incidit hic quaestio secundum duo, circa quae principaliter versatur totalis distinctionis intentio. Primo quaeritur de primae tentationis permissione. Secundo quaeritur de primorum parentum cognitione. Circa primum quaeruntur tria. Primo quaeritur, utrum Deus debuerit hominem facere inexpugnabilem an talem quod posset expugnari. Secundo quaeritur, utrum hominem, quem praesciebat expugnandum, debuerit permittere per tentationem impugnari. Tertio quaeritur, utrum tentationis pugna a viris iustis debeat desiderari.