Praeambulum

Ad intelligentiam huius partis, in qua agitur de gratiae comparatione, duo quaeruntur, secundum quod gratia dupliciter comparari habet. Et primo quaeritur de gratia in comparatione ad alium habitum. Secundo vero quaeritur de gratia in comparatione ad merendi exercitium. Circa primum quaeruntur tria. Primo quaeritur de una differentia gratiae in comparatione ad aliam. Secundo vero quaeritur de ipsa gratia in comparatione ad virtutem gratuitam. Tertio vero quaeritur de ipsa gratia in comparatione ad gloriam.