Praeambulum

Ad intelligentiam autem huius partis, in qua agitur de gratiae adiutorio secundum statum naturae institutae, incidit hic quaestio circa tria. Primo quaeritur, utrum homo ante peccatum gratia eguerit. Secundo quaeritur, utrum ante peccatum gratiam habuerit. Tertio quaeritur de quantitate gratiae, quam in illo stalu habuit. Circa primum quaeruntur duo. Primo quaeritur, utrum homo in statu innocentiae, circumscripto dono gratiae, esset Deo acceptus. Secundo quaeritur, utrum absque gratia posset exire in opus meritorium.