Titulus 1

"Firmiter" Hoc ideo dicit, quia ordo fidei nostrae probari non potest: & quia ubi ratio deficit, fides supplet. de consecratione distinctione 4 capitulo nihil est aliud & distinctione ultima capitulo ultimo arg. ut quod sermo sonat, affectus sentiat id est fides de consecratione distinctione 2 capitulo revera in fine quia fides est de re non uisa de paenitentia distinctione 4 in domo in fine.

¶ "Credimus" Hoc ideo dicit: quia dubius in fide, infidelis est infra de haereticis capitulo 1 et arg. 22. q. 1. omne quod. in fine Et est simile de accusato contra quem nihil est probatum & sic remanet dubius quando se non purgat. Et quia fides est exordium nostrae reparationis: ideo prius de ea praemittit, quia prius homo debet instrui in fide de consecratione distinctione 4. ante baptismum & capitulo ante 20.

¶ "Simpliciter" Fides enim simplicibus verbis est proponenda 23 dist. qui episcopus & 24 distin. quando. Sic & testimonium debet esse purum. 3. quaestione 9 pura. & simplex debet esse constitutio, similiter & lex 4 dist. erit autem. Sic & quaelibet scriptura si obscure loquatur, pro non scriptura habetur ff. de iis quae pro non scri. ha. l. 1. sic & testimonium obscurum non valet infra de prob. in praesentia. & infra de test. cum clamor. & ff. de inter. ac. de aetetate § nihil interest. Et generaliter numquam per extranea verba res est proponenda, sed per vsitata. arg. 37 dist. relatum. Ioannes Andreas.

¶ "Vnus" hoc dictum fuit ad differentiam plurium planetarum, quos quidam colebant tamquam Deos.

¶ "Verus" dictus est ad differentiam fictorum.

¶ "Aeternus" hoc ideo dicit, quia a misericordiae Dei nec mensuras possummus ponere, nec tempora definire. de poenitentia distinctione 1 multiplex & 26 quaestione 6 is qui

¶ "Immensus" Id est, sine mensura: vnde dicitur: Intra omnia non inclusus, extra omnia non exclusus, supra omnia non elatus.

¶ "Incommutabilis" 22. quaestio 4 incommutabilis. & tamen dat cuncta moueri vnde Boethius 3 de consolatione "Stabilisque manens dat cuncta moueri", &c. Saepe tamen mutat sententiam suam, vt ibi dicitur & c. unusquisque, in fi.

¶ "Incomprehensibilis" vnde in veteri lege dicitur. Bestia quae montem tetigerit, lapidabitur. Et illud: Accedet homo ad cor altum & exaltabitur Deus ab eo. Et illud: "O altitudo diuitiarum sapientiae et scientiae Dei, quam incomprehensibilia sunt operaeius, & inuestigabiles viae eius."

¶ "Omnipotens" quia omnia potest quae decent eius potentiam, & quae posse est aliquid posse. vnde "peccare non potest: quia peccare non est aliquid posse: vt ait Augustinusimmo est aliquid non posse". vt de poenitentia distinctione 2, capitulo ultimo § caritas

¶ "Ineffabilis" vnde illud: Sapientiam eius quis enarrabit? quasi dicat, nullus

¶ "Simplex omnino"

¶ "Non est generans" adiectiue tenetur, id est non generat, licet sit persona generans

¶ "asserit" scilicet Ioachim

¶ "Ille" scilicet Petrus

¶ "Qui plantat" scilicet praedicando

¶ "Et qui rigat" Baptizando in epistola ad Corinthios

¶ "Vnum corpus &c" Vnione charitatis & spiritus de consecratione distinctione 4 quaeris a me