Caput 4

"Et nunc, Israel, audi praecepta et judicia. Non addetis." Docet normam aequitatis, et omnem haeresim percutit. Vetat enim rectae doctrinae aliquid pravae intentionis addere, vel aliquid veritatis subtrahere: via enim regia incedendum est, non ad dexteram vel ad sinistram; unde: "Quia rectae viae Domini, et justi ambulabunt in eis". Similiter ait Joannes: "Si quis apposuerit ad haec, apponet Deus super illum plagas scriptas in libro isto; si quis diminuerit, auferet Deus partem ejus de libro vitae".

"Nec est alia," etc. Non est alia natio tam grandis, dignitate, scilicet donorum, non multitudine populorum. Nec enim gens Judaeorum numero vincebat alias gentes aut potentia, sed patrum praerogativa et dignatione divina.

"Quae viderunt." Visus inter omnes sensus obtinet principatum: ideo pro omni sensu ponitur.

"Sculptam similitudinem. (AUG., quaest. 4 in Deut.)" " Forsitan his duobus vocabulis unam rem significavit, etc., usque ad quod de hominibus usitatum est."

"Qui sub." AUG., quaest. 5. " An aquam terram intelligi voluit, etc., usque ad et animalia terrena habere non posset."

"Quae creavit." AUG., quaest. 6. " Non ita dictum est, etc., usque ad sed non cultum quem habent aliae gentes."

"Sculptam similitudinem." AUG., q. 7. "Hic generaliter loquens similitudinem posuit, imaginem tacuit, quia si sit nulla similitudo, nec imago."

"Testes invoco hodie coelum," etc. Μετονυμικῶς per id quod continet id quod continetur significat.

"Novissimo autem." Conversionem Israelis ad fidem Christi praenuntiat, ut postquam plenitudo gentium intraverit, omnis Israel salvus fiat.

"A summo coelo." AUG., quaest. 8. " Cur non dixerit similiter a summo terrae, etc., usque ad cum hoc de novissima electorum congregatione dicatur."