Quod autem post parentum sponsionem aliis nubere non ualeant,
auctoritate Elibertani Concilii [c. 54.] monstratur, qua dicitur :
Caput 1
De parentibus, qui fidem frangunt
sponsaliorum.
Si qui parentes fidem fregerint sponsaliorum, triennii
tempore a conmunione abstineant. Si uero idem sponsus uel sponsa in illo graui crimine
non fuerint deprehensi, excusati erunt parentes. Si uero in eodem fuerint uicio, et
polluerint se consentiendo, superior sentencia seruetur.
Dictum
Ecce, quod non licet parentibus sponsalia filiorum
suorum frangere. Verum hoc de illis intelligendum est, que illorum consensu
contrahuntur.
