Praeambula, Problema 2, Quaestio 12

Duodecima questio est cum de animalibus determinetur in libro De animalibus et in Medicina queritur quomodo differenter. Item cum de plantis determinetur in libro Vege tabilium et in Medicina in Dietis queritur questio differenter.

Solutio. Dicendum est quod dupliciter est loqui de natura animalium et plantarum: uno modo a parte sui et a parte suorum principiorum, et sic de illis determinatur in scientia naturali, ut de animalibus in libro Animalium et de plantis in libro Plantarum uel Vegetabilium, quod idem est. Secundo modo est loqui de ipsis a parte illa qua referuntur ad corpus humanum inferendo ei principia dispositionis sanitatis uel egritudinis, et sic determinatur de illis in Medicina, unde omnia corpora animalium et plantarum determinantur in Medicina prout referuntur ad corpus humanum in uia sanitatis uel egritudinis.