Tractatus 11

Ab eo quod scriptum est, Cum autem esset Jerosolymis in Pascha in die festo, multi crediderunt in nomine ejus; usque ad id, Nisi quis renatus fuerit ex aqua et Spiritu, non potest introire in regnum Dei. Cap. n, f. 23-25, et cap. tu, ℣. 1-5.

i. Opportune nobis Dominus procuravit hodierno die lectionis hujus ordinem: nam quia ex ordine Evangelium secundum Joannem considerare atque tractare suscepimus, credo quod adverterit Charitas vestra. Opportune ergo occurrit ut hodie audiretis ex Evangelio, quia Nisi quis renatus fuerit ex agua et Spi. ritu, non videbit regnum Dei. Tempus est enim ut vos exhortemur, qui adhuc estis catechumeni: qui sic credidistis in Christum, ut adhuc vestra peccata portetis. Nullus autem regnum caelorum videbit oneratus peccatis; quia nisi cui dimissa fuerint, non regnabit cum Christo: dimitti autem non possunt, nisi ei qui renatus fuerit ex aqua et Spiritu sancto. Sed omnia verba quemadmodum se habeant advertamus, ut hic inveniant qui pigri sunt, quanta sollicitudine sibi festinandum sit ad onus deponendum. Quia si ferrent aliquam sarcinam gravem, aut lapidis, aut ligni, ant alicujus etiam lucri, si frumentum portarent, si vinum, si pecuniam, currerent ut deponerent onera: portant sarcinam peccatorum, et pigri sunt currere. Currendum est ut deponatur haec sarcina; premit, et mergit.

i. Ecce audistis quia cum esset Dominus Jesus Christus Jerosolymis in Pascha in die festo, multi cre­ diderunt in nomine ejus, videntes signa ejus quoe facie­ bat. Multi crediderunt in nomine ejus: et quid sequitur? lpse autem Jesus non credebat semetipsum eia. Quid sibi ergo hoc vult, Illi credebant in nomine ejus; et, Ipse Jesus noM credebat semetipsum eis ? An forte non crediderant ei, et fingebant se credidisse, et pro. pterea Jesus non se credebat eis; Sed non diceret Evangelista, Multi crediderunt in nomine ejus, nisi ve rum illis testimonium perhiberet. Magna ergo res, et mira res: credunt homines in Christum, et Christus non se credit hominibus. Praesertim quia Filius Dei est, utique volens passus est; et si nollet, nunquam pateretur; qui si nollet, Dee nasceretur: si autem hoc solum vellet, ut nasceretur tantum, et non moreretur, et quidquid vellet, faceret; quia omnipotentis Patris Filius omnipotens est. Ex ipsis rebus probemus. Quia cum voluissent eum tenere, discessit ab eis; loquitur Evangelium: Et cum voluissent eum de vertice montis proecipitare, discessit ab tis illesus (Luc. IV, 29, 30). Et quando venerunt ad eum comprehendendum, jam venditum a Juda traditore, cum ille putaret in potestate se habere, tradere magistrum et Dominum suum; et ibi ostendit Dominus voluntate se pati, non necessitate. Nam cum eum comprehendere Judaei voluissent, dixit illis: Quem quoeritis? At illi dixerunt: Jesum Nazarenum. Et ille: Ego sum. Bac voce audita, redierunt retro, et ceciderunt (Joan. XVIII, 4-6 ). In eo quod eos respondens dejecit, ostendit potestatem; ut in eo quod ab eis comprehensus est, ostenderet voluntatem. Ergo quod passus est, misericordiae fuit. Traditus est enim propter delicta nostra, et resurrexit propter justificationem nostram ( Rom. iv, 25 ). Audi verba ipsius: Potestatem habeo ponendi animam meam, et potestatem habeo iterum sumendi eam: nemo tollit eam a me, sed ego pono illam a meipso, ut iterum sumam eam (Joan. x, 18). Cum ergo haberet tantam potestatem, cum eam dictis praedicaret, factis ostenderet; quid sibi vult quod non se credebat eis Jesus, quasi aliquid nolenti 'nocituris, aut aliquid nolenti facturis, praesertim quia jam crediderant in nomine ejus? Et de ipsis dicit Evangelista, Crediderunt in nomine ejus, lie quibus dicit, Ipse autem Jesus non credebat semet­ ipsum eia. Quare? Quod ipse nosset omnes, et quia opus ei non erat ut quis testimonium perhiberet de homine; ipse enim sciebat quid esset in homine. Plus noverat artifex quid esset in opere suo; quam ipsum opus quid esset in semetipso. Creator hominis noveratquid esset in homine, quod ipse creatus homo non noverat. Nonne hoc probamus de Petro, qnia non noverat quid in ipso esset, quando dixit, Tecum usque ad mortem ? Audi quia Dominus noverat quid esset in homine: Tu mecum usque ad mortetn? Amen, amen dico tM, prius­ quum gallus cantet, ter me negabis ( Matth. XXVI, 33, 54, et luc. XXII, 33,34 ). Homo ergo nesciebat quid esset in se; sed Creator hominis noverat quid esset in lromine. Crediderunt tamen in nomine ejus multi, et ipse Jesus non se credebat eis. Quid dicimus., fratres ? Forte consequentia indicabunt nobis quid sibi vult mysterium verborum istorum. Quia erediderant in eam homines, manifestum est, veram est: nemo dubitat, Evangelium loquitur, verax Evangelista testatnr. Item quia ipse Jesus non credebat semetipsum iitis, et hoc manifestum est, et nullus christianus dubitat • quia et hoc Evangelium loquitur, et idem verax Evangelista testatur. Quare ergo crediderunt illi in nomine ejus, et Jesus non credebat semetipsum illis? Sequentia videamus.

3. Erat autem homo ex Pharisoeis, Nicodemus no­ mine, princeps Judaeorum: hic venit ad eum nocte, et dixit ei, Rabbi. Jam hoc nostis, quia Rabbi magister dicitur. Scimus quia a Deo venisti magister: nemo enim potest haec signa facere quae tu facis, nisi fuerit Deus cum eo. Ergo iste Nicodemus ex his erat qui crediderant in nomine ejus, videntes signa et prodigia quae faciebat. Superius enim hoc dixit: Cum autem esset Jerosolymis in Pascha in die festo, mulli crediderunt in nomine ejus. Quare crediderunt? sequitur et dicit, li­ dentes signa ejus quae faciebat. Et de Nicodemo quid dicit? Erat princeps Judceorum, nomine Nicodemus: hie venit ad eum nocte, et ait illi, Rabbi, scimus quia a Deo venisti magister. Et iste ergo crediderat in nomine ejus. Et ipse unde crediderat? Sequitur, Nemo enim potest hoec signa facere quae tu facis, nisi fuerit Deus cum eo. Si ergoNicodemus de illis multis erat qui crediderant in nomine ejus, jam in isto Nicodemo attendamus quare Jesus non se credebat eis. Respondit Je­ sua, et dixit ei: Amen, amen dico tibi, nisi quis natus fuerit denuo, non potest videre regnum Dei. Ipsis ergo se credit Jesus, qui nati fuerint denuo. Ecce illi crediderant in eum, et Jesus non se credebat eis. Tales sunt omnes catechumeni: ipsi jam credunt in nomine Christi, sed Jesus non se credit eis. Intendatetintelligat Charitas vestra. Si dixerimus catechumeno, Credis in Christum? respondet, Credo, et signat se: jam crucem Christi portat in fronte 1, et non erubescit de cruce Domini sui. Ecce credidit in nomine ejus. Interrogemus eum, Manducas carnem Filii hominis, et bi­ bis sanguinem Filii hominis? nescit quid dicknus, quia Jesus non se credidit ei.

4. Cum ergo ex eo numero Nicodemus esset, venit ad Dominum: sed nocte venit; et hoc fone ad rem pertinet. Ad Dominum venit, et nocte venit: ad luceio venit, et in tenebris venit. Renati autem ex aqoa et Spiritu, quid audiunt ab Apostolo? Fuistis aliquando tenebrae; nunc autem lux in Domiito: sicut filii lucis ambulate (Ephes. v, 8): et iterum, Nos autem qui diei sumus, sobrii simus (I Thess. v, 8). Qui ergo renati sunt, noctis fuerunt, et diei sunt: tenebre fuerunt, et lumen sunt. Jam credit se illis Jesus, et non nocte veniunt ad Jesum slcut Nicodemus, non in tenebris quaerunt diem. Tales enim jam etiam proHtentur: accessit ad illos Jesus, fecit in illis salutem: quia ipse dixit: Nisi quis manducaverit carnem meam et biberit sanguinem mtum, non habebit in se vitam (Joan. VI, 54). Et, quod sigum crucis habent in fronte catechumeni, jam, de domo magna sunt; sed flant ex servis filii. Non enim nihil sunt qui jam ad domum magnam pertinent. Quando autem manna manducavit populus Israel? Cum transisset mare ru­ brum. Mare antem rubrum quid significet, audi Apostolum: Nolo autem vOs ignorare, fratres, quia omnes patres nostri sub nube fuerunt, ei omnes per mare transierunt. Utquid per mare transicrunt, quasi quaereres ab illo; secutus ait, Et omnes per Moysen bapti­ zati sunt in nube et in mari (I Cor. x, i, 2). Si ergo figura maris tantum valuit, specics Baptismi quantum valebit? Si quod gestum est in figura, trajectum populum ad manna perduxit; quid exhibebit Christus in veritate baptismi sui, trajecto per eum populo suo? Per baptismum suum trajicit credentes, occisis omnibus peccatis, tanquam hostibus consequentibus, sicut in illo mari omnes aegyptii perierunt. Quo trajicit, fratres mei? quo trajicit per Baptismum Jesus, cujus figuram tunc gerebat Moyses, qui per mare trajicitbat? quo trajicit I? Ad manna. Quod est manna? Ego sum, inquit, panis vivus, qui de coelo descendi (Joan. vi, 51). Manna accipiunt fideles, jam trajecti per marc rubrum. Quare mare rubrum ? jam mare, quare et rubrum ? Significabat mare illud rubrum baptismum Christi. Unde rubet baptismus Christi, nisi Christi sanguine consecratus ? Quo ergo perducit credentes et baptizatos Ad manna. Ecce dico manna: notum est quid acceperint Judaei, populus iste Israel, notum est quid illis pluisset Deus de coelo; et nesciunt catechumeni quid accipiant Christiani. Erubescant ergo, quia nesciunt; transeant per mare rubrum, manducent manna: ut quomodo crediderunt in nomine Jesu, sic se ipsis credat Jesus.

5. Idco intendite, fratres mei, quid respondeat iste qui nocte venit ad Jesum. Quamvis ad Jesum venerit, tamen quia nocte venit, adhuc de tenebris carnis suae loquitur. Non intelligit quod audit a Domino, non intelligit quod audit a lucc, quae illuminat omnem bominem venientem in hunc mundum (Id. I, 9). Jam ei Dominus dixit, Nisi quis natus fuerit denuo, non vide­ bit regnum Dei. Dicit ad eum Nicodemus: Quomodo potest homo nasci cum sit senex? Spiritus ei loquitur I, et ille carnem sapit. Carnem suam sapit, quia carnem Christi nondum sapit. Cum enim dixisset Dominus Jesus, Nisi quis manducaverit carnem meam, et biberit sanguinem meum, non habebit in se vitam; scandalixiti sunt quidam qui eum sequebantur, et dixerunt apud semetipsos, Durus est hic sermo; quis potest eum audire? Putabant enim hoc dicere Jesum, quod eum possent concisum sicut agnum coquere, et manducarc: abhorrentes a verbis ejus, recesserunt, et arn­ plius eum non sunt secuti. Sic Evangelista loquitur: Ei Dominus ipse remansit cum duodecim: et illi ad eum, Domine, ecce illi dimiserunt te; et ille, Num­ quid.el vos vultis abire I? Ostendere volens quia ipso illis erat necessarius, non illi crant Christo necessarii. Ne quis terreat Christum, quando dicitur ut sit christianus; quasi beatior erit Christus, si tu fueris christianus. Bonum est tibi, ut sis christianus: nam si non fueris, malum Christo non erit. Audi vocem Psalmi: Dixi Domino, Deus meus estu, quoniam bono­ rum meorum non eges (Psal. xv, 2). Ideo Deus meus es tu, quomam bonorum meorum non eges. Si luCris sine Deo, minor eris; si fueris cum Deo, major Deus hon erit. Non ex te ille major, sed tu sine illo minor. Cresce ergo in illo., noli te subtrahere, ut quasi illo deHciat. Reicieris, si aceesseris; deficies, si recesseris. Integer manet te accedente, integer manet et te cadente. Cum ergo dixisset discipulis, Numquid ei vos wid, abire? respondit Petrus, petra illa, voce omnium, Domine, ad quem ibimus? Veiba vitoe oeternoe habes. Bene sapuit in ore ipsius caro Domini. Dominus autem exposuit eis, et dixit, Spiritus est qui vivi­ ficat: eum dixisset, Nisi quis manducaverit carnem meam, et biberit sanguinem meum, non habebit in se vitam; ne carnaliter intelligerent, Spiritus eat, inquit, qui vivificat, caro autem nihil prodest: verba quoe locutus sum vobis, spiritus est et vita (Joan. vi, 54-69).

G. Hunc spiritum et hanc vitam non sapiebat iste Nicodemus, qui nocte venerat ad Jesum. Ait ei Jesus: Nisi quis natus fuerit denuo, non videbit regnum Dei. Et ille carnem suam sapiens, in cujus ore nondum sapiebat caro Christi: Quomodo, inquit, potest homo, cum sit senex, iterum nasci ? Numquid potest iit ventrem matris suoe iterum introire, et nasci ? Non noverat iste nisi unam nativitatem ex Adam et Eva; ox Deo et Ecclesia nondum noverat: non naverat nisi eos parentes qui generant ad mortem; nondum neverat eos parentes qui generant ad vitam: uon noverat nisi eos parentes qui generant successuros; nondum noverat eos qui semper viventes generant permansu- ros. Cum ergo sint duae nativitates, ille unam inteUigebal. Una est de terra, alia de coelo; una est de carne, alia de Spiritu; una est de mortalitate, alia de aeternitate; una est de masculo et femina, alia de Deo et Ecelesia. Sed ipsae duae singulae sunt; nee illa potest repeti, nec illa. Recte intellexit Nicodemus nativitatem carnis: sic et tu intellige nativitatem spiritus, quomodo intellexit Nicodemus nativitatem carnis. Quid Nicodemus intellexit' Numquid potest homo denuo in ventrem matris suoe intrare, et nasci? Sic, quicumque tibi dixerit ut spiritualiter iterum nascaris, responde quod dixit Nicodemus, Numquid potest homo iterum in ventrem matris suoe intrare, et nascil Jam natus sum de Adam, non me potestiterum generare Adam: jam natus sum de Christo, non me potest iterum generare Christus. Quomedo uterus non potest repeti, sic nec Baptismus.

7. Qai nascitur de Ecclesia catholica, tanquam de Sara a nascitur, de libera nascitur: qui nascitur de haeresi, tanquam de ancilla nascHur, sed ex semine Abraham. Advertat Charitas vestra qnam magnum sacramentum Testator Deus, et dicit, Ego sum Deus Abrahama, et Deus Isaac, et Deus Jacob. Non erant alii patriarchae? non erat ante istos- sanctus Noe, qui sohis in toto genere humano cum tota domo sua meruit de diluvio liberari, iii quo et iD filiis ejus figurata est Ecclesia? Ligno portanteevaduntdiluvium (Gen. VII, 7). Deinde postea magni quos novimus, quos sancta Scri­ ptura commendat, Moyses fidelis in tota domo ejus (Num. XII, 7). Et illi tres Nominantur, quasi eum soli promeruerint, Ego sum Deus Abraham, et Deus Isaac, et Deus Jacob: hoc milii nomen eat in aeternum (Exod. III, 6, 15). Sacramentum grande ! Potensest Dominus et ora nostra aperire, et corda vestra, ut dicere possimus sicut revelare dignatus est, et capere possi­ tis sicut expedit vobis.

S. Tres ergo ist! patriarchae, Abraham, Isaac, et Jacob. Jam nostis filii Jacob quia duodecim fuerunt, et inde populus Israel: quia ipse Jacob Israel, et popolus Israel tribus duodecim, pertinentes ad duodecim filios Israel. Abraham, Isaac, et Jacob, tres patres, et populus unus 1. Tres patres tanquam in principio populi; tres patres in quibus figurabatur popu­ lus: et populus ipse prior, praesens populus. In populo euim Judaeorum figuratus est populus Christianorum. Ibi figura, hic veritas: ibi umbra, hic corpus, die cente Apostolo, Haec autem in figura contingebant illis. Vox est Apostoli: Scripta sunt, inquit, propter nos, in quos finis saeculorum obvenit (I Cor. x, 11). Recurrat nunc animus vester ad Abraham, Isaac, et Jacob. In istis tribus invenimus parere liberas, parere et ancillas: invenimus ibi paitus liberarum, invenimus ibi ei partus ancillarum. Ancilla nihil boni si­ gnilicat: Ejice ancillam, inquit, ei filium ejus; non enim haeres erit filius ancillae cum filio liberae. Apostolus hoc commemorat; et in illis duobus filiis Abrahae, dicit Apostolus fuisse figuram duorum Testamentorum, Vetcris et Novi. Ad Vetus Testamentum pertinent dilectores temporalium, dilectores saeculi: ad Novum Testamentum dilectores vitae aeternae. Ideo illa Jerusalem in terra, umbra erat coelestis Jerusalem matris omnium nostrum, quae est in coelo: et haec Apostoli verba sunt (Gen. XXJ, 10; Galat. IV, 22-30). Et de ista civitate unde peregrinamur, multa nostis, multa jam audistis. Invenimus autem rem miram in istis partubus, id est in istis fetibus, in istis generationibus liberarum et ancillarum, quatuor scilicet genera hominum: in quibus quatuor generibus, completur figura futuri populi christiani, ut non sii mirum quod in illis tribus dictum est, Ego sum Deus Abraham, et Deus Isaac, et DeusJacob. In omnibus enim Christianis, fratres intendite, aut per malus nascuntur boni, aut per bonos nascuntur mali, aut per bonos boni, aut per malos mali: amplius istis quatuor generibus non potestis invenire. Quae iterum repetam, advertite, retinete; excutite corda vestra, nolite pigri esse: eapite, ne capiamini, quomodo quatuor genera sunt omnium Christianorum. Aut per bonos nascuntur boni, aut per malos nascuntur mali, aut per bonos mali, aut per malos boni. Puto quia planum est. Per bonos boni: si et qui baptizant, boni sunt; et qui baptizantur, recte credunt, et in membris Christi recte numerantur. Per malos mali: si et qui baptizant, mali sunt; et qui baptizantur, duplici corde ac( edunt ad Deum, et non tenent eos mores quos audiunt in Ec- clesia, ut non ibi sint palea, sed frumentum. Quam enim multi sint, novit Charitas vestra. Per malos boni: aliquando baptizat adulter, et qui baptizatur justilicatur. fer bonos mali: aliquando qui baptizant, sancti sunt; qui baptizantur, tenere viam Dei nolunt.

9. Puto, fratres, notum esse in Ecclesia, et quotidianis exemplis manifestari ea quae dicimus: sed in prioribus nostris patribus ea consideremus, quia ba­ buerunt et illi ista quatuor genera. Per bonos boni: Ananias Paulum baptizavit (Act. IX, 18). Quid per malos mali? Dicit Apostolus quosdam praedicatores Evangelii, quos dicit non caste annuntiare solere Evangelium, quos tolerat in societate christiana, et dicit, Quid enim ? dum ornuM modo, sive occasione, sive veritate Christus annuntietur, et in hoc gaudeo (Phi­ lipp. i, i8). Numquid malevolus erat, et de alieno malo gaudebat? Sed quia et per malos verum praedicabatur, et per malorum ora Christus praedicabatur; si quos isti sui similes baptizabant, mali malos bapt!zabant: si quos isti baptizabant tales, quales admonet Dominus cum dicit, Quae dicunt facite; quae autem (a- ciunt, facere nolite (Matth. XXIII, 3), mali bonos baptizabant. Boni malos baptizabant, quomodo a Philippo sancto Simon magus baptizatus est (Act. VIII, 13). Nota sunt ergo ista quatuor genera, fratres mei. Ecce iterum ea repeto, tenete illa, numerate illa, advertite illa; cavete quae mala sunt, tenete quae bona sunt. Per bonos boni nascuntur, cum per sanctos sancti baptizantur: per malos mali, cum et qui baptizantet qui baptizantur, inique et impie vivunt: per malas boni, cum mali sunt qui baptizant; et boni qui baptizantur: per bonos mali, cum boni sunt qui baptizant, et mali qui baptizantur.

10. Quomodo invenimus ista in tribus istis nominibus, Ego sum Deus Abraham, Deus Isaac, et Deus Jacob ? Ancillas accipimus in malis, liberas accipimus in bonis: pariunt liberae bonos; Sara peperit Isaac (Gen. xxi, 3): pariunt ancillae malos; Agar peperit Ismael (Id. xvi, 15). Habemus in uno Abraham et illud genus cum per bonos boni, et illud genus cum per malos mali. Per bonos mali ubi figurali sunt? Libera erat Rebecca uxor Isaac: legite, peperit geminos, unus erat bonus, alter malus. Habes aperte Scriptu - ram dicentem Dei voce, Jacob dilexi, Esau autem odio habui (Malach. I, i, 5; Rom. IX, 13). Istos duos genuit Rebecca, Jacob et Esau: unus inde eligitur, alius reprobatur t; unus succedit in haereditatem, alter exhaeredatur. Non facit populum suum Deus de Esau; sed facit de Jacob. Semen unum, diversi qui concepti sunt: uterus unus, diversi qui nati sunt. Numquid non libera peperit Jacob, quae libera peperit Esau ? Luctabantur in ventre matris suae, et dictuln est Rebeccae, cum ibi luctarentur, Duo populi sunt in utero tuo (Gen. xxv, 22-24). Duo homines, duo po puli; bonus populus, malus populus: sed tamen in uno ventre luctantur. Quanti mali sunt in Ecclesia, et unus uterus portat, donec in fine discernantur: et !:on: adversus malos clamant, et mali -adversus bonos reclamant, et in unius visceribus utrique luctantur. Numquid semper simul crunt? In fine exitur ad lucem, declaratur nativitas quae hic in sacramento figuratur: et tunc apparebit, Jacob dilexi, Esau autem odio habui.

ii. Jam ergo invenimus, fratres, et de bonis bonos, de libera Isaac: et de malis malos, de ancilla Ismael: et de bonis malos, Esau de Rebecca. De malis bonos ' ubi inveniemus ? Restat Jacob, ut in tribus patriarchis quatuor generum istorum perfectio concludatur. Habuit uxores Jacob liberas, habuit et ancillas: pariunt liberae, pariunt et ancillae, et fiunt duodecim filii Israel (Gen. xxix, xxx, xxxv). Si numeres omnes de quibus nati sunt, non omnes de liberis, non omnes de ancillis: sed tamen omnes ex uno semine. Quid ergo, fratres mei? numquid qui nati sunt de ancillis, non simul possederunt terram promissionis cum fratribus suis? Invenimus ibi bonos filios Jacob natos de ancillis, et bonos filios Jacob natos de liberis. Nihil illis obfuit nativitas de utens ancillarum, quando in patre cognoverunt semen suum, et consequenter regnum cum fratribus tenuerunt. Qnomodo ergo in filiis Jacob non obfuit illis qui nati sunt de ancillis, quominus tenerent regnum, et terram promissionis cum fratribus ex aequo acciperent; non illis obfucrunt natales ancillarum, sed praevaluil'semen paternum: sic quicumque per malos baptizantur, tanquam de ancillis videntur nati; sed tamen quia ex semine verbi Dei, quod figuratur in Jacob, nou contristentur, simul hac- reditatem cum fratribus possidebunt. Securus ergo sit qui de semine bono nascitur; tautum non imitetur ancillam, si de ancilla nascitur. Ancillam malam superbientem non imiteris. Unde enim filii Jacob de ancillis nati, possederunt terram promissionis cum fratribus, Ismael autem de ancilla natus, expulsus est ab haereditate ? Unde, nisi quia ille superbus erat, illi humiles? Erexit ille cervicem, et voluit seducere fratrem suum, ludens cum illo.

12. Magnum ibi sacramentum. Ludebant simul ismael et Isaac; vidit illos Sara ludentes, et ait Abrahae: Ejice ancillam et filium ejus; non enim haeres erit filius ancillae cum filio meo Isaac. Et cum contristatus esset Abrabam, confirmavit ci Dominus dictum uxoris ejus. Jam hic manifestum est sacramentum, quia nescio quid futurum parturiebat illa res gesta. Ludentes vidit, et dicit: Ejice ancillam et filium ejus. Quid est hoc. flatres? QuiJ enim mali fecerat Ismael puero Isaac, quia ludebat cum illo ? Sed illa lusio, illusio erat; illa lusio deceptionem significa!)at. Nam inagnum sacramentum attendat Charitas vestra. Perseculionem illam vocat Apostolus; ipsam lusionem, ipsum lusum persecutionem vocat: ait enim, Sed sicut tunc ille qui secundum carnem natus erat, perse­ quebatur eum qui secundum spiritum, ita et nunc; id est,. qui secundum carnem nati sunt, persequuntur eos qui secundum spiritum nati sunt. Qui sunt secundum carnem nati ? Dilectores mundi, amatores saeculi. Qui sunt secundum spiritum nati? Amatores regni eae. lorum, dilectores Christi, desiderantes vitam aeternam, gratis colentes Deum. ludunt, et dicit Apostolus persecutionem, Nam posteaquam dixit haec verba Apostolus, Et sicut tunc ille qui secundum carnem na­ tua erat, persequebatur eum qui secundum spiritum, ita et nunc; secutus est, et ostendit de qua persecutione diceret: Sed quid dicit Scriptura? Ejice ancillam et filium ejus; non enim haeres erit filius ancillae cum filio mea Isaac (Cen. xxi, 9-12; Galat. IV, 29, 30). Quaerimus ubi hoc dicat Scriptura, ut videamus utrum aliqua persecutio praecesserit Ismaelis in Isaac: et invenimus hoc dictum esse a Sara, quando vidit pueros ludentes simul. Quam lusionem dicit Scriptura vidisse Saram, hanc persecutionem dicit Apostulus. PIus ergo vos persequuntur qni vos illudendo seducunt: Veni, veni; baptizare hie, hic habes veruna baptismum. Noli ludere, unus est verus; ille lusus est: seduceris 1, et ista persecutio gravis tibi erit. Melius tibi erat ut Ismaelem tu lucrareris ad regnum; sed non vult Ismael, quia ludere vult. Tone tu haereditatem patris, et audi: Ejice ancillam et filium ejus; non enim haeres erit filius ancillae cum filio meo Isaac.

i. Isti etiam audent dicere quia persecutionem solent pati a caiholicis regibus, aut a catholicis principibus. Quam persecutionem tolerant ? Afflictionem corporis: si tamen aliquando passi sunt, aut quomodo passi sunt, ipsi sciant, et conveniant conscientias suas; tamcn afflictionem corporis passi sunt: persecutio quam faciunt gravior est. Cave quando vult ludere Ismael cum Isaac, quando tibi blanditur, quando offert alterum baptismum: responde, Habeo jam Baptismum. Si enim verus est iste baptismus, qui tibi vult darc alterum, illudere te vult. Cave animae persecutorem. Nam si a principibus caLholicis aliquid passa est pars Donati aliquando, secundum corpus passa est, non secundum illusionem spiritus. Audite et videte in ipsis veteribus factis, omnia futurarum rerum signa et indicia. Invenitur Sara afflixisse Agar ancillam: Sara libera est: posteaquam superbire coepit ancilla, qucsta est Abrahae Sara, et dixit, Ejice ancillam; erexit adversum me cervicem suam. Et quasi ab Abraham fieret, de Abraham questa est mulier. Abraham vero qui non in ancilla libidine abutendi tenebatur, sed officio generandi, quoniam Sara ei dederat unde prolem susciperet, ait ei: Ecce ancilla tua, utere ea sicut vis. Et afflixit eam graviter Sara, et fugit a facie ejus. Ecce libera afflixit ancillam, et non illam vocat persecutionem Apostolus; ludit servus cum domino, et persecutionem vocat: afflictio ista non vocatur persecutio, et lusio illa vocatur persecutio. Quid vobis videtur, fratres ? Nonne intelligitis quid significatum sit? Sic ergo quando vult Deus concitare potestates adversus haereticos, adversus schismaticos, adversus dissipatores Ecclesiae, adversus exsufflatores Christi, adversus blasphematores Baptismi, non mirentur; quia Deus concitat, ut a Sara verberetur Agar. Cognoscat se Agar, ponat cervicem: quia cum humiliata discederct a domina sua, occorrit ei angelus, et dixit, Quid est, Agar ancilla Sarce? cum conquesta esset de domina, quid audivit ab Angelo? Revertere ad dominam tuam (Gen. XVI, 5-9). Ad hoc ergo aflligitur, ut revertatur. Atque utinam revertator; quia proles ejus, sicut filii Jacob, cum fratribus baereditatem tenebit.

14. Mirantur autem quia commoventur potestates christianae adversus detestandos dissipatores Ecclesiae. Non ergo moverentur? Et quomodo redderent rationem de imperio suo Deo? Intendat Charitas vestra quid dicam, quia pertinet hoc ad reges saeculi christianos, ut temporibus suis pacatam velint matrem suam Ecclesiam, unde spiritualiter nati sunt. Legimus Danielis visiones et gesta prophetica. Tres pueri in igne laudaverunt Dominum: miratus est Nabuchodonosor rex laudantes Deum pueros, et circa eos ignem innocentem1; et cum admiratus esset, quid ait Nabuchodonosor rex, non vel Judaeus vel circumcisus, ille qui statuam suam erexerat, et ad eam ado. randam omnes coegcrat; tamen laudibus trium puerorum commotus, ubi vidit majestatem Doi praesentis in igne, quid ait? i Et ego proponam decretum omnibus tribubus et linguis in omni terra. > Quale decretum? < Quicumque dixerint blasphemiam in Deum Sidrac, Misac, et Abdenago, in interitum erunt, et domus eorum in perditionem > (Dan. III). Ecce quomodo saevit rex alienigena, ne blasphemetur Deus Israel, quia potuit tres pueros de igne liberare: et nolunt ut saeviant reges christiani, quia Christus exsufflatur, a quo non tres pueri, sed orbis terrarum cum ipsis regibus a gehennarum igne liberatur? Nam tres illi pueri, fratres mei, liberati sunt ab igne temporali. Numquid non ipse est Deus Machabaeorum, qui et trium puerorum? Illos ab igne liberavit: illi in tormentis igneis corpore defecerunt, sed in legitimis mandatis animo permanserunt. Illi aperte liberali sunt, illi occulte coronati sunt (II Machab. VII). Plus est liberari de flamma gehennarum, quam de fornace potestatis humanae. Si ergo Nabuchodonosor rex laudavit et praedicavit et gloriam dedit Deo, quia liberavit de igne tres pueros, et tantam gloriam dedit, ut decretum mitteret per regnum suum, Quicumque dixe­ rint blasphemiam in Deum Sidrac, Misac, et Abde­ nago, in interitum erunt, et domus eorum in perditio­ nem: quomodo isti reges non moveantur, qui non cres pueros attendunt liberatos de flamma, sed seipsos liberatos de gehenna, quando vident Christum, a quo liberati sunt, exsufflari in Christianis, quando audiunt dici christiano, Dic te non esse christianum ? Talia facere volunt, et saltem talia pati nolunt.

15. Nam videte qualia faciunt, et qualia patiuntur. Occidunt animas, affliguntur in corpore: sempiternas mortes faciunt, et temporales se perpeti conqueruntur. Et tamen quas patiuntur? Proferunt nobis nesceio quos in persecutione suos martyres. Ecce Marculus de petra praecipitatus cst: ecce Donatus Bagaiensis in puteum missus est. Quando potestates Romanae talia supplicia decreverunt, ut praecipitarentur homines? Quid autem respondent nostri ? Quid siL gestum nescio: tamen quid tradunt nostri? Quia ipsi se praecipitaverunt, et potestates infamaverunt. Recordemur consuetudinem potestatum Romanarum, et vidcamus cui credendum sit. Dicunt nostri illos se praecipitasse: si non sunt ipsi discipuli ipsorum qui se modo de saxis nullo persequente praecipitant, non credamus: quid mirum, si fecerunt illi quod solent? Nam potestatcs Romanae nunquam talibus suppliciis usae sunt. Num enim non poterant occidere aperte ? Sed illi qui se mortuos coli voluerunt, famosiorem mortem non invenerunt. Postremo quidquid illud est, non novi. Et si passa es, o pars Donati, corporalem afflictionem ab Ecclesia catholica, a Sara passa es Agar; redi ad dominam tuam. Locus quidem necessarius aliquanto diutius nos tenuit, ut textum totum evangelicae lectionis exponere minime valeremus. Fratres, sufficiat interim Charitati vestrae, ne haec quae dicta sunt, dicendo alia, excludantur de cordibus vestris. Haec tenete, talia dicite, flammantes illuc procedite, accendite frigidos.