Titulus 3
TITULUS III.
DE CAUSA POSSESSIONIS ET PROPRIETATIS .
In causa beneficiali, delata etiam per appellationem ad curiam, utraque pars potest petitorium et possessorium intentare. Et ante causae conclusionem potest spoliatus, suspenso petitorio suo vel adversarii, possessorium prosequi. Ioann. Andr.
Causa beneficiali per appellationem ad sedem apostolicam legitime devoluta, tam appellanti quam appellato licere decernimus nedum petitorium, sed et possessorium intentare, et in spoliantis odium ante causae conclusionem suspendere petitorium, a se et ab adversario intentatum, in solo possessorio procedendo.
On this page
